Dizionari de Lenghe Furlane

religjon  /-òn/  re|li|gjon  [FO]

1. s.f. complès di crodincis e rituâi e v.i. dedicâts dai oms a di une o plui entitâts sorenaturâls, spec. une o plui divinitâts:  i nestris vons a àn vivude la religjon cun chê culture che a vevin, cun chel mût di sintî che a vevin, a lôr mût (Francesc Placerean, Il popul furlan al à ancjemò nostalgjie des robis bielis e santis); la Europe civîl, là che ognun al jere libar di fevelâ la sô lenghe, di professâ la sô religjon, di vivi la sô culture (Riedo Pup, Franz Josef e Garibaldi); pre Gjilbert Pressac al è stât un dai plui grancj studiôs de religjon cristiane aquileiese e de musiche furlane antighe (Sandri Carrozzo, Benandants e Terapeutis / Terapeutidis)
   Sin. crodince , fede¹ , religjositât , credo
   Cfr. confession
   
   1. sensibilitât e rispiet par chês crodincis e chei rituâi, par ce che al è sacri:  i conts a jerin plens di religjon: a vevin la gleseute par lôr cont, in cjase, tal parc (Riedo Pup, I furlans e i parons)
      Sin. devozion , religjositât
2. s.f. te scuele, materie e lezion li che si insegnin lis fondis dal cristianisim e dal câs ancje di altris crodincis:  lu vevi preseât tant che inteletuâl di prin ordin cuant che lu vevi vût professôr di religjon al liceu (Adrian Cescje, Memoriis di politiche linguistiche); la mê opinion e je che il furlan al vebi di jentrâ tal orari obligatori tant che la religjon (Silvana Fachin Schiavi, I dîs agns de leç n. 482/99)
3. s.f. rispiet profont par alc, ancje se nol à a ce viodi cu lis divinitâts:  al à metude simpri tante dedizion e energjiis tal fevelâ e scrivi ben tal unic talian che al dopre, […] chel standard […], daûr des sôs bielis regulis ortografichis e gramaticâls imparadis a scuele, che al rispiete cun religjon (Adrian Cescje, Memoriis di politiche linguistiche)
4. s.f. convinzion, passion, venerazion, devozion, ancje ossessive, par alc o cdn.:  si inacuarzaran tal tossi, i biâts fedêi de religjon nazionalistiche (Josef Marchet, Su altris fondis); Torero che, pa la Vana, al veva una di chê religjons che a na si distrudin (Novella Cantarutti, Torero)
   Sin. adorazion , amôr , considerazion , mît , rispiet , rivuart¹ , sudizion , venerazion , fede¹