mît
mît
[AF]
-
s.m.
conte tradizionâl cun valôr simbolic e sacrâl, in particolâr su la origjin dal mont, dai dius, dai oms o di altris elements, o su impresis di dius e erois:
la tradizion de cape [dai pelegrins di Sant Jacum] salacor e je di divignince pagane, colegade al mît di Venere che e salte fûr des ondis (Antoni Beline, Sant Jacum, là che al finìs il mont);
i Grêcs a contavin in putrops mîts che Apol al jere un diu forest, tramontan (Sandri Carrozzo, Jenfri vîfs e muarts)
-
s.m.
idealizazion di un personaç, di un fat storic, di une aspirazion coletive e v.i.:
tancj dai miei mîts musicâi (Lino Straulino, Bob Dylan, Tracy Chapman, De André, ma ancje i varis grups folk dai agns ‘60/'70) no vevin tant di plui che struments acustics, vôs, e un grum di robis di contâ (Moira Pezzetta, Alvise Nodale: un zovin cjantautôr che al promet cetant ben, su lis olmis di Straulino);
une regjon che fin a chel moment e viveve ancjemò sul mît dai siei emigrants lâts a cirî fortune ator pal mont (Max Mauro, Un Friûl difarent: i 90 mhz di Onde Furlane)
Sin. liende
-
s.m.
(fig.)
invenzion idealizade o aspirazion utopiche:
se nô o clamìn profete pre Antoni, o scugnìn viodilu midiant la sô umanitât e cence fâ di lui un personaç, o imbastî par lui esaltazions e mîts (Tonin Cjapielâr, Un om che al fâs di profete)
Sin. utopie
-
s.m.
(ancje scherç., zerg.)
persone cun cualitâts ecezionâls:
il mît furlan des corsis in moto al è fûr di dubi Edi Orioli (Oscar Puntel, Velocitât a dôs ruedis)