liende
/-èn-/
li|en|de
[FO]
-
s.f.
conte di fats straordenaris, dispès cuntune fonde storiche, che e fâs part de tradizion di un popul:
il cuel [di Udin] nol è artificiâl, come che e pretint la liende di Atile (Cornelio Cesare Desinan, Udine, Utinum, Udin: ce vuelial dî?);
i viei si impensavin inmò de liende dal Mulinarat e des striis e des aganis (Dino Virgili, La aghe da pît la cleve);
jo us contarai lis leiendis dal gno paîs che no àn bisugne di documents scrits o sculpîts, ma che si tramandin simpri frescjis di pari in fi (Pieri Menis, Lis leiendis di Buie)
Var. leiende
Cfr. conte
, flabe
, storie
-
persone o fat straordenari che ducj a cognossin:
Giovanni Minut, dirigjent de Federazion Provinciâl dai Lavoradôrs de Tiere, socialist prime e comunist daspò, deventât une liende tra la int furlane di chei paîs (Carli Pup, La seconde Irlande);
[Riccardo Cassin] al è za passât ae storie, tant che liende dal alpinisim mondiâl di ducj i timps (Eddy Bortolussi, Riccardo Cassin, di Savorgnan di Sant Vît dal Tiliment )
-
s.f.
robe inventade, ancje in male fede:
chê de "contaminazion" dai lematizadôrs e de lôr influence su la cualitât de lematizazion e je une liende biade che no ten e no tache (Adrian Cescje, Memoriis di politiche linguistiche)
Sin. flabe
, sflocje
, naine
-
s.f.
(fig.)
serie di peraulis, di discors, di recriminazions e v.i.:
cambie liende tant nol zove;
al è ca lui, cu lis sôs liendis! (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. gjile
, musiche
, storie
, naine
-
cualsisei robe che e sucêt daûr di une cierte dinamiche, spec. se e torne simpri compagne:
ancje culì la liende e je precise identiche: lis medaiis lis àn i gjenerâi e lis pidadis i biâts (Antoni Beline, Pre Pitin);
a rivin lis elezions par 132 comuns furlans e par noaltris e torne la solite liende di parcè che no vin un partît, un moviment furlan di podê votâ (Dree Valcic, La lum no si distude ma o vin di dâi vueli);
il ministri Gasparri e la Rai a àn fat une Comission di studi e, ae taliane vie, nol è sucedût nuie. Cumò cul gnûf contrat di servizi pal 2007 - 2009 stesse liende (Arnalt Baracêt, Rai… Rai… furlan no ‘nd ai)
Sin. storie
, solfe
Polirematichis e espressions idiomatichis