conte
/-ò-/
con|te
[FO]
-
s.f.
spec. tai zûcs dai fruts, cont par stabilî cui che i tocje di stâ sot, di fâ alc, di lâ di une cierte bande e v.i.:
i fruts a àn fate la conte par fâ lis dôs scuadris;
Il Cocul al diseve di seisi salvât te conte [pe decimazion] par un numar e al zontave che, adets ae cure, a jerin i carabinîrs «cuntun cjapielon sul cjâf e une palandrane intor che a someavin muiniis di ospedâl» (Alan Brusini, Come tai romançs)
-
filastrocje che si dîs par contâ
-
s.f.
[TS]
sport
intal pugjilât e inte lote, il contâ i seconts regolamentârs che a coventin par declarâ la sconfite di un pugjil o di un lotadôr che al è par tiere
Sin. cont dai seconts
, conte dai seconts
-
s.f.
il vierzi e l'esaminâ, di bande di cui che al è president di un seç eletorâl, des schedis compiladis e depositadis dai partecipants a une votazion par stabilî, midiant di un scrutini, i risultâts:
a son siglis che a rapresentin dome une o dôs personis e a puartin ae sintesi la corse eletorâl dome par chês personis. Partîts personaliscj. Ae conte dai vôts chestis robis a burissin fûr (Oscar Puntel, Interviste a Federico Simeoni)
-
s.f.
descrizion ordenade di alc che si disglagne in maniere plui o mancul complesse:
la depression si scuvierç scoltant lis esperiencis riferidis dal pazient e lis contis di parincj o di amîs sui cambiaments tal compuartament (Guglielmo Pitzalis, Jù di cuarde. Ce fâ)
-
s.f.
cualsisei narazion popolâr:
«Une anime di pene che e spiete di jessi diliberade!» Al pensà Nardin, visantsi des contis de none, cuntun sgrisul (Josef Cjargnel, La fogolade dal bosc);
l'ultin [salvan] si dîs che lu vedin copât tai boscs dongje di Lauc, ma altris contis a disin che ator a 'nd è ancjemò, ancje se a stan platâts e al è dificil viodiju (Sandri Carrozzo, Friûl di Magance);
uì drenti [te farie] jo i posti il Signour, dome che a mi vegni tal cjâf la conta dal «Mestri sora ducj i mestris»; i jôt sant Pieri sul incugn e Crist che al lu fai deventâ fantat cun doi colps di marcjel (Novella Cantarutti, Cocali)
Sin. storie
, liende
-
s.f.
narazion di fats vêrs o inventâts, cun intindiment leterari:
"Mandi, Catia. Ce leistu di biel?" Jê mi mostre il libri. A jerin lis contis di Joyce (Alan Brusini, Gian Paolo Linda, I forescj);
i sarès plasût di lei contis e romançs. Ricardo di sigûr a 'nt veve, e jai varès imprestâts vulintîr (Carlo Sgorlon, Prime di sere)
Proverbis:
- conte i tiei botons e po tu contarâs i miei
- se tu vûs fâ savê une robe, contile in segret
- se tu vûs sparniçâ une robe, contile in segret