confession
/-òn/
con|fe|ssi|on
[AF]
-
s.f.
il confessâ, il palesâ une colpe, une debilece, une veretât:
[la lenghe] e je la confession involontarie e incussiente da la indipendence spirtuâl, da la energjie endogjine, de personalitât e de fisiunumie morâl […] di un ambient (Josef Marchet, Un element fondamentâl dal moviment autonomistic)
Sin. amission
-
il pandi alc di personâl, risiervât, segret e v.i.:
in gjenerâl, si à l'impression che par jê scrivi al fos un sbroc, une confession (Michela Carpentieri, La poesie di une vite)
-
s.f.
[TS]
dir.
intai procès civîi, ricognossiment di bande di une part de veretât di fats che i son cuintri, intai procès penâi, amission volontarie di colpe che un imputât al fâs pal reât che i è contestât:
e l'obietîf o sin nô. La nestre firme sot de confession (Carli Pup, La bolsa)
-
s.f.
[TS]
religj.
intal catolicisim, la rivelazion dai propris pecjâts al confessôr par vê la assoluzion:
al è vignût in plêf, pal timp des fiestis, un frari di Udin, il plevan al à stabilît di mandâlu sù di buinore pes confessions (Josef Marchet, Lis predicjis dal muini)
-
s.f.
[TS]
religj.
interpretazion dal cristianisim che si diferenzie di altris o comunitât di cristians cun organizazion e interpretazion de fede diferentis di chês di chês altris comunitâts cristianis:
Fatime e jere cristiane, di confession armene (Carlo Sgorlon, Ombris tal infinît)
Sin. comunitât
, credo
, fede1
-
(fig.)
fede politiche:
al è di confession comuniste
Sin. credo
, fede1