posizion
/-òn/
po|si|zi|on
[FO]
-
s.f.
puest e orientament tal spazi là che al sta alc o cdn.:
par spiegâi a un forest la posizion gjeografiche dal Friûl al è une vore facil: baste fâ l'elenc dai vicinants di dut il contor tor ator (Riedo Pup, No impaçâsi);
[tai scacs] la posizion di partence de regjine e je simpri te casele dal so colôr (Nilde Teresa Negro, Zuìn di scacs);
il "Principi di Indeterminazion" di Heisenberg al dîs che no si pues fâ tal stes moment domandis precisis su la posizion e su la velocitât di une partesele elementâr (o di cualsisei sisteme cuantistic) (Sergio Cecotti, Teologjie algjebriche)
Sin. disposizion
, logament
, lûc
, puest1
, sît
Var. pusizion
-
s.f.
puest intune graduatorie, intune classifiche e v.i.:
la vitorie e conferme la seconde posizion in graduatorie dal Pordenon (Marc Stolf, Pordenone - Cremonese 1-0)
Sin. puest1
-
s.f.
maniere, forme di stâ di cdn. o di alc intal spazi:
un cuarp sentât sul lodar intune posizion instabile e cuasi improbabile (Fabian Ros, Eivissa mon amour);
une statue in posizion dinamiche
-
s.f.
(fig.)
cundizion, situazion li che si cjatisi:
si è cjatât intune posizion dople;
us lassi pensâ a voaltris la teribil posizion del puar condanât (Zuan Luîs Filli, Il grant citadin)
Sin. circostance
, cundizion
, situazion
-
cundizion economiche, spec. cundizion di bondance economiche:
dute chê robe ereditade e chê zontade di lui, ce fâ di jê? Une sostance, une posizion di invidiâ la sô (Alan Brusini, Par stradis lungjis);
cuasi ducj chei dal Canadà si son plantâts là vie, si son fats un bon non, une buine posizion tant di someâ i plui fortunâts dai furlans pal mont (Francesc Placerean, Cuintristorie dal Friûl dal 1866 fint in dì di vuê)
-
situazion jerarchiche:
une vite facile, une buine cariere cun posizion impuartante intune rinomade cjadene di negozis (Checo Tam, Regulus)
-
s.f.
(fig.)
mût di pensâ:
[Union Popolâr Furlane] e veve di jessi il prin esperiment di coesion politiche dentri di chel cjalderon di ideis e posizions che al veve mot il dopo taramot (Max Mauro, Un Friûl difarent: i 90 mhz di Onde Furlane);
chei di ca come chei di là a mantegnin lis lôr posizions nazionalistichis e a pretindin un spostament [dal confin] ognidun in so favôr (Josef Marchet, Un sproposit… meretât!)
Sin. convinzion
, direzion
, idee
, judizi
, linie
, orientament
, parê2
, pinsîr
, pont di viste
, tindince
, opinion
-
s.f.
[TS]
milit.
toc di teren di bataie, li che a son trupis, armis e mieçs:
al jere finît là jù insom cui fusilîrs che a jerin lâts tant sot des posizions dai sclâfs che plui no si viodevin (Alan Brusini, I ribei);
ai 24 di Mai dal 1915 l'esercit talian al passe il confin, il grues dai soldâts imperiâi si à za ritirât su posizions plui facilis di difindi (Carli Pup, La seconde Irlande)
Sin. postazion
-
s.f.
[TS]
bancj.
cundizion di debit o di credit di un client
