fuartece
/-tè-/
fuar|te|ce
[AF]
-
s.f.
lûc avonde grant, ancje citât interie, furnît di oparis di difese militâr:
[Tita Rossi] al era stât cjapitani da guardia nazionâl e par un mês al veva comandat la Fuarteça [di Osôf] prin ca vegnissin i volontaris di dut il Friûl (Toni Falescjin, La pignatas);
cuant che trupis intieris no fasin il lôr dovê in una bataia o combatiment, che abandonin lis trincieris, ridots, fuartecis e altris puescj, vilmentri e sença vê fat la ultima resistença, o che si rebelin, vegneran decimadis (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera )
Sin. fuart2
Var. fortece
-
[TS]
milit.
complès di oparis difensivis su di une linie o fasse continue
-
s.f.
(fig.)
ambient li che alc, massime un moviment, un pinsîr, une ideologjie, un partît e v.i., al è fuart e condividût:
Iain Gray, il leader dal Labour Party in Scozie, dopo vê pierdude ancje la " fuartece laburiste" di Glasgow, si è dimetût (Christian Romanin, Un altri pas su la strade de indipendence)
-
s.f.
energjie spirituâl che e permet di frontâ cun valôr provis dificilis:
i pareve a Matie, stant cun chê sô int, di respirâ dute la onestât, la semplicitât primitive e la religjose fuartece de viere gjernazie furlane (Pieri Menis, Sul agâr)
Sin. fuarce
-
teol.
une des cuatri virtûts cardinâls, che e permet al om di vê il valôr di fâ in concret il ben:
o crôt che a si è cristians praticant lis virtûts cardinâls, lis virtûts fondamentâls. Une di chestis e je la fuartece (Francesc Placerean, Pe muart di Fausto Schiavi)
-
s.f.
element che al covente a dâ plui resistence a une struture o a ogjets, in particolâr a scarpis, vistîts, edificis e v.i.
Sin. rinfuarç