soluzion1
/-òn/
so|lu|zi|on
[FO]
-
s.f.
il disfâsi di une sostance in aghe o in altri licuit:
la soluzion dal sâl in aghe e je plui facile se la aghe e je cjalde
-
fis., chim.
misture omogjenie di une o plui sostancis li che lis parts no si puedin plui separâ in maniere mecaniche ma dome traviers un mudament di stât fisic:
une soluzion di aghe e zucar e fâs zirâ la direzion di polarizazion in sens orari, une soluzion di aghe e frutosi e fâs zirâ la direzion di polarizazion in viers antiorari (Marisa Michelini, Alberto Stefanel, La polarizazion de lûs)
-
s.f.
(ancje fig.)
mût e risultât che si cjate par frontâ e passâ une cuistion, un probleme e v.i.:
un studi matematic su la soluzion dal probleme deliac (il dopleament dal cubi) (Pierluigi Visintin, Friûl e furlans te Histoire de ma vie di Giacomo Casanova);
a esistin soluzions des ecuazions di Einstein che a descrivin univiers che si espandin (Sergio Cecotti, Teologjie algjebriche);
no si cumbine nuie se ognidun e ogni socie a continuin a scrivi la lenghe cun grafiis diferentis e cun soluzions lessicâls no stabilizadis (Adrian Cescje, Memoriis di politiche linguistiche);
a àn metût tal cjâf a pape Benedet XIV che la uniche soluzion e jere chê di disfâ il Patriarcjât e di plantâ lis dôs arcidiocesis di Udin e di Gurize, une pe zone austriache, chê altre pe zone venite (Francesc Placerean, L'ultin patriarcje: Denêl Dolfin);
ma nol guariva il vint che al passava / il gno cuarp sanghenant e cidin / l'Amôr a mi à cjapât como una malatia. / La soluzion a è stada un sigulin (Giorgio Ferigo, Un picjât)
-
s.f.
[TS]
cum.
passaç di bêçs di un sogjet a di un altri par sodisfâ un debit:
paiâ intune soluzion sole