definizion
/-òn/
de|fi|ni|zi|on
[FO]
-
s.f.
sclariment precîs dai limits, des cualitâts, de nature di alc o di cdn.:
resonâ su lis sieltis di autonomie catalane che e jere in plene fase di definizion te seconde metât dai agns 70 (Adrian Cescje, Memoriis di politiche linguistiche);
il comun al sigure la massime trasparence aministrative inte definizion dai criteris par conferî incarghis professionâls e assegnâ a impresis lavôrs e servizis (Aministrazion Publiche, Statût dal Comun di Udin)
Var. difinizion
-
s.f.
descrizion curte e precise dal significât di une peraule:
daûr de definizion weberiane, il stât al è chê istituzion che e à il monopoli de fuarce intun teritori stabilît (Fabian Ros, La invenzion dal stât);
il manuscrit segnât Raetorom.Fol.14 (str BÖHMER 1885, p. 202) al puarte dôs vôs (cun cetantis sotvôs) di une cercje di dizionari furlan. […] Par ogni vôs si dan la traduzion e la definizion par talian (Zorç Cadorin, Doi autografs di Toni Broili framieç dai manuscrits furlans di Berlin conservâts a Cracovie)
-
peraule o espression curte che si dopre par nomenâ alc o cdn.:
par no cjacarâ di chei "scuilibrâts" (cheste e je la definizion fisse di gno pari) che si viodin par television e che si varès di netâju (AAVV, Sul florî)
-
s.f.
[TS]
filos.
operazion concetuâl e linguistiche di meti in relazion doi ogjets o concets, di mût che il prin al sei esplicât midiant dal secont
-
s.f.
[CO, TS]
enigm.
intes peraulis in crôs e v.i., espression curte che e covente par fâ induvinâ la peraule di meti dentri de gridele
-
s.f.
[CO, TS]
eletron., fotogr.
inte tecniche di elaborazion eletroniche des imagjins, grât di detai de riproduzion:
a son simpri pardut desenis di telefonuts cuntune videocjamare di alte definizion che a regjistrin dutis lis carognadis [de polizie] e lis metin in condivision daurman (Sandri Carrozzo, La insurezion tai timps dal Samsung S10)
Sin. risoluzion