ufierte
/-èr-/
u|fier|te
[AF]
-
s.f.
propueste di alc, ancje imateriâl, cu la prospetive che al vegni acetât:
mi son rivadis tantis ufiertis par fâ cariere politiche in altris bandis (Anna Bogaro, Guerra: "O lavori cul cûr")
Sin. profierte
Var. ofierte
-
s.f.
ce che al ven ufiert o dât, soredut in riferiment a bêçs dâts par caritât o par cualchi finalitât:
al jentrà te glesie dal paisut là che si cjatave a jessi e al robà lis ufiertis tal platel (Roberto Ongaro, Cretevierte)
-
compens volontari e libar par une prestazion:
chê puarete là dentri e sgobe, e sude dute la mari zornade e no domande mai nuie. E mancumâl che nissun va vie cence lassâi une ufierte… (Pieri Menis, La maghe no fale)
-
s.f.
cuantitât di bêçs che si propon di dâ in cambi di alc:
«O vuei jessi ancjemò plui larc di manie: un trilion di bilions. E je la mê ultime ufierte.» (Gianni Gregoricchio, Il soreli te valîs)
-
s.f.
propueste di vendite di un prodot in cundizions di vantaç particolâr pal compradôr:
savon di paviments, ufierte 3×2 di supermarcjât (Spirt Anonim, Anime)
-
s.f.
disponibilitât di prodots che a puedin jessi gjoldûts di un marcjât o di un public:
i operaris no vendin ma a comprin simpri di plui intun marcjât che al incrès simpri di plui la sô ufierte (Adrian Cescje, Liniis di storie sociâl e economiche dal Friûl 1500 - 1800);
la ufierte musicâl si è slargjade e diferenziade (Federica Angeli, Lenghe cjantade, lenghe sunade)
Proverbis:
- la frascje biele no fâs buine la ufierte
