varietât
va|ri|e|tât
[FO]
-
s.f.
presince e cuantitât di plui aspiets diferents tra di lôr:
lu mont è biel, avint par cui cu vûl / tante varietât in se sierade (Jaroni Sini, In laude de lenghe furlane);
ca di nô e je une varietât di puescj e di ambients naturâi che a son ancjemò salvadis (Fabian Ros, Interviste cun Giorgio Cantoni);
[jerbis e pomis] cu la lôr grande varietât di savôrs, a metin insiemi salût e sodisfazion (Guglielmo Pitzalis, Mangje san 2)
Sin. diversitât
, eterogjeneitât
-
s.f.
singule categorie o forme di alc che e à carateristichis diviersis rispiets a altris dal stes gjenar:
il diabete e je une malatie tant complesse e si presente in tantis varietâts: diabete di gjenar 1 (insuline-dipendent); diabete di gjenar 2 (no-insuline-dipendent); diabete vie pe gravidance; diabete par colpe des medisinis (tant che il cortison) (Guglielmo Pitzalis, Scuvierzi il diabete)
Sin. sorte
, cualitât
-
s.f.
[TS]
bot., zool., agr.
grup di individuis sot de sotspecie, cun carateristichis definidis ma cence valôr tassonomic:
tai anuaris dal Comun di Udin, si cjate un document dal 1324 che al nomene lis varietâts di vît plui coltivadis (Enrico Peterlunger, Storie curte de vît in Friûl)
-
s.f.
[TS]
ling.
complès des realizazions di un sisteme linguistic che si diferenziin a confront di altris par gjeografie, par ûs sociâl, par testualitât:
dâ lis indicazion pe scriture di cierts suns particolârs des varietâts (Adrian Cescje, Memoriis di politiche linguistiche);
in Friûl a son presintis di plui secui almancul cuatri lenghis […]: il furlan, il sloven, il todesc, il talian. Dutis chestis lenghis a son presintis vuê cun varietâts locâls e cu la varietât standard (Sandri Carrozzo, Notis di politiche linguistiche par un Friûl diferent)
-
s.m.
spetacul lizêr, ancje televisîf, cun balets, cjançons, senutis comichis o satirichis
Proverbis:
- il mont al è biel pe sô varietât