disvilup
/-ùp/
dis|vi|lup
[FO]
-
s.m.
il procedi o fâ procedi alc daûr di une dinamiche che lu fâs evolvi, che lu fâs rivâ a cierts risultâts:
al deventave necessari, pal disvilup e pe sorevivence de imprese, slargjâ lis ativitâts e specificâlis miôr (Max Mauro, Un Friûl difarent: i 90 mhz di Onde Furlane);
pe scuele primarie i travuarts a son la paronance dai alfabets di base, il disvilup des competencis di comprension, leture, creazion di tescj e riflession linguistiche (Patrizia Pavatti, Insegnament dal furlan - la norme "in situazion": tra regulis e plan de ufierte formative);
si scuvierzin alterazions o mecanisims che tal timp a van dongje dal disvilup de malatie (Carli Morandin, Interviste a Attilio Maseri)
Sin. aument
, cressiment
, cressite
, disvoluçament
, espansion
, increment
, progrès
, svilup
-
complès des operazions che a puartin a realizâ un ciert prodot daûr di une idee, di un progjet, di perfezionaments:
iluminisim e rivoluzion industriâl, savoltant il mût di vivi dal om, a sburtarin la rinassite dal beton e il disvilup di simpri gnûfs materiâi (Alessandro Bachiorrini, Maltis armadis pes struturis dal tierç mileni)
-
s.m.
[TS]
econ., sociol.
cressite des grandecis economichis principâls tal timp:
in Friûl il taramot al à sveltît un procès di disvilup e di mudament de societât mai sucedût prime (Javier Grossutti, La emigrazion dal Friûl - Vignesie Julie in Argjentine e in Uruguay)
Sin. svilup
-
s.m.
il puartâ indevant cun ordin e profonditât un argoment, di une idee e v.i.:
[Gjilbert Pressac] tal disvilup dal complès di teoriis su la influence te tradizion furlane de culture judaiche cristiane elenistiche al rivà adore di lumâ elements che i faserin proponi une intuizion sui benandants (Sandri Carrozzo, Benandants e Terapeutis / Terapeutidis)
Sin. aprofondiment
, davuelziment
, elaborazion
, tratazion
, svilup
-
s.m.
[TS]
biol.
complès dai procès che a puartin un organisim vivent ae sô forme madure e definitive:
la proporzion fra i varis gjenars, la cualitât e la cuantitât dai aliments che o mangjìn a son lis fondis di un coret disvilup fisic e mentâl de persone (Guglielmo Pitzalis, Mangje san 1)
Sin. cressite
, svilup
-
s.m.
cressite fisiche e psichiche di une persone tal moment de pubertât
Sin. cressite
, svilup
-
s.m.
[TS]
fotogr.
procès che al permet di viodi la imagjin che e je suntune pelicule o lastre impressionadis:
si sa che pal disvilup des fotografiis si vevin di doprâ cognossincis di chimiche e fisiche (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
Sin. svilup
-
s.m.
[TS]
mat.
scomposizion di une espression o di une funzion in fuarce dal calcul di altris espressions o funzions cognossudis
Sin. svilup
-
s.m.
[TS]
gjeom.
operazion di proietâ la superficie di une figure solide suntun plan cence mudâ i angui e la lungjece des liniis
Sin. svilup
-
la figure che si è otignude
Sin. svilup