progrès
pro|grès
[FO]
-
s.m.
il lâ indevant, passaç graduâl di un stât a di un altri:
la introduzion de elezion direte dal Parlament european e rapresente […] un progrès significatîf te costruzion de Europe unide (Marc Stolf, Minorancis linguistichis);
proceduris rapidis e finis par podê controlâ il progrès dal intosseament sedi in timp di coltivazion sedi di conservazion (Romano Locci, Lis fumonisinis - intosseants naturâi de blave in Friûl)
Sin. avanzade
, lâ indenant
, procedi
, sbalç
-
s.m.
il lâ in miôr, svilup in positîf:
il progrès tecnologjic des celis solârs al scomence a cjapâ pît tor de metât dal secul passât daspò de invenzion dal transistor (Lorenzo Marcolini, Lis celis organichis nanostruturadis)
Sin. evoluzion
, miorament
, svilup
-
s.m.
svilup de umanitât e de societât, spec. intal cjamp de culture, politiche, economie e v.i.:
il troi dal progrès, in pôc timp, al deventarà un stradon che ducj a podaran cjaminâ sigûrs, viers ideâi plui alts e viers sistemis di vite plui democratics (Tarcisio Venuti, La cjase di Toni);
"Che al sinti […] jo no soi cuintri dal progrès: anzit… ma chê di dissipâ campagne, chê di scjavaçâmi il Riul in chê maniere!… Mi coste un fi a mi![…]" (Dino Virgili, La aghe da pît la cleve);
cence utopie no si à ni progrès, ni culture (Alviero Negro, Int di masnade)
Sin. civiltât
, svilup