Dizionari de Lenghe Furlane

svilup  /-ùp/  svi|lup  [FO]

1. s.m. il procedi o fâ procedi alc daûr di une dinamiche che lu fâs evolvi, che lu fâs rivâ a cierts risultâts:  il stes pericul - ce plui ce mancul fuart - al sta parsore e al scjafoie lis lôr libertâts politichis, il lôr svilup culturâl: il centralisim nazionâl (Josef Marchet, Europe regjonaliste); nol conven movi masse adore la Regjine che e podarès jessi atacade di tocs e pedons aversaris e chest al podarès causâ pierditis e ritarts tal svilup dal zûc (Nilde Teresa Negro, Zuìn di scacs)
   Sin. aument , cressiment , cressite , disvoluçament , espansion , increment , progrès , disvilup
   
   1. complès des operazions che a puartin a realizâ un ciert prodot daûr di une idee, di un progjet, di perfezionaments:  il svilup di dôs aplicazions par rindi disponibii in timp reâl i servizis di comunicazion fats de Cooperative tant che editore e midiant de testade Radio Onde Furlane (Erika Adami, La lenghe furlane tai mieçs di comunicazion)
   2. risultât, ancje no definitîf, intun procès dinamic:  cheste cundizion specialissime dal Friûl - e i svilups che di li a puedin nassi - a Rome e je stade capide fin dal principi (Josef Marchet, La nestre muse)
2. s.m. [TS] econ., sociol. cressite des grandecis economichis principâls tal timp:  La capacitât di doprâ il cjarbon e fasè alçâ sù ducj i parametris di svilup de nestre civiltât (Matteo Mazzolini, Autonomie energjetiche nol vûl dî autarchie); iniziativis economichis ispiradis dai principis di un model di svilup uman e sociâl sostignibil (Buteghe dal Mont, Luche Nazzi, Guide par un consum just e solidâl)
   Sin. disvilup
3. s.m. il puartâ indevant cun ordin e profonditât un argoment, di une idee e v.i.:  chest ultin aspiet al merte un svilup particolarizât, che o fasarìn plui indenant (Xavier Lamuela, La grafie furlane normalizade)
   Sin. aprofondiment , davuelziment , elaborazion , tratazion , disvilup
4. s.m. [TS] biol. complès dai procès che a puartin un organisim vivent ae sô forme madure e definitive
   Sin. cressite , disvilup
5. s.m. cressite fisiche e psichiche di une persone tal moment de pubertât:  i zovenuts dal borc, su la etât dal svilup, […] a scugnivin contentâsi di cucâ pai barcons, viodint la manfrine dai grancj, za che a jerin seradis risiervadis ai adults (Galliano De Agostini, Sale di bal)
   Sin. cressite , disvilup
6. s.m. [TS] fotogr. procès che al permet di viodi la imagjin che e je suntune pelicule o lastre impressionadis:  si fâs le inversion, el svilup che al compuarte el percors contrari di chel de pelicule fotografiche (Laura Nicoloso, Walter Pauluzzo Dal cine-fer al cine neorealistic, a Buie subit dopo de vuere)
   Sin. disvilup
7. s.m. [TS] mat. scomposizion di une espression o di une funzion in fuarce dal calcul di altris espressions o funzions cognossudis
   Sin. disvilup
8. s.m. [TS] gjeom. operazion di proietâ la superficie di une figure solide suntun plan cence mudâ i angui e la lungjece des liniis
   Sin. disvilup
   
   1. la figure che si è otignude