Dizionari de Lenghe Furlane

supierbie  /-èr-/  su|pier|bi|e  [AF]

1. s.f. stime esagjerade di se stes, ancje cun dispresi di chei altris:  al somee che la pluralitât des lenghis al sedi un cjastic di Diu cuintri dal om e de sô supierbie (Laurin Zuan Nardin, pre Toni Beline e pre Checo Placerean, "La Bibie"); e parcè no, une pontute di supiarbie, cul cerneli jevât e il stomi infûr… (Dino Virgili, La aghe da pît la cleve)
   Sin. albasie , ale , arie¹ , braùre , fum , pofardie , presunzion , suficience , borie , bote¹ , pretese , smafare , arogance , burbane , prepotence
   Cfr. mierde , scaghe

Proverbis:

• cui che al cjavalgje la supierbie al è in grope a la ignorance
• cui che al cjavalgje la supierbie al è in grope a la puaretât
• la supierbie e je fie da la ignorance
• la supierbie e partìs in caroce e e rive a pît
• la trope umiltât e puce di supierbie
• supierbie e ignorance a nassin sul stes pedâl
• trope umiltât, trope supierbie