savi  sa|vi  [CO]

  1. adi., s.m. che, cui che al à cognossincis, esperience, criteri tal pensâ, tal fâ e tal conseâ:  baste che no mueri la semence dai savis e dai juscj (Antoni Beline, Sant Jacum, là che al finìs il mont); denant di cheste aparizion che e veve dal straordenari, al restà par un moment di clap e si rindè cont di jessi denant di un savi (Fabian Ros, Il lôf)
    Cfr. sapient
    1. che al mostre cognossincis, esperience, criteri:  o soi persuadût che il timp di spiete e je stade une tatiche savie une vorone. Savê spietâ e je une virtût (Alan Brusini, Gian Paolo Linda, I forescj)
  2. adi., s.m. che al resone e che si compuarte cun logjiche normâl, che nol à problemis mentâi:  A ere une volte une femine di Cjabie che a veve un sôl fi, e chest al ere plui mat che savi (Luigi Gortani, Il matescul di Cjabie)
Proverbis:
  • a cuinçâ la salate al vûl un mat a meti il vueli e un savi l'asêt
  • al sa plui un mat a cjase sô che no un savi a cjase di altris
  • bielis peraulis e cjatîfs fats a incjanin savis e mats
  • cu lis bielis peraulis e i bruts fats si ingjane savis e mats
  • cualunche ignorant al sa mudâ ma pôcs savis a san miorâ
  • cui che vuê al dîs: o ai falât, al è plui savi di îr
  • il mat al bute il clap tal poç e il savi al scuen gjavâlu
  • il savi nol è mai sôl
  • il stupit se al fale al ven scusât ma il savi no
  • la femine savie e drece la cjase e la mate le strucje
  • ogni mat al pâr savi cuant che al tâs
  • un mat a meti il vueli, un savi a meti l'asêt
  • un mat al fâs mateâ cent savis
  • un solt butât vie di un mat, al è racolt di un savi