studi
stu|di
[FO]
-
s.m.
ancje tal pl., ativitât di incressi cognossincis e capacitâts, spec. in graciis di libris e insegnaments di altris:
mi veve domandât de gnece e dal so profit intai studis (Gianni Gregoricchio, Trê feminis);
un zovenut inamorât da la art e de vite, che al finive i siei studis a la academie (Zuan Lurinçon, La Madalene)
Sin. dissipline
, materie
-
s.m.
ativitât di ricercje specialistiche su di un ciert argoment:
il prin studi gjeologjic de zone al è stât fat di Michele Gortani (1910) (Francesco Gobbo, Gjeologjie e paleontologjie ator di Preon);
ancjemò a vuê a mancjin studis precîs in stât di delineâ une precise gjenealogjie sigure dai Conts di Gurize (Ferruccio Tassin, Autonomie tal Friûl austriac);
i prins studis neurologjics sul sium a son stâts puartâts indenant di Costantin Von Economo, un neurolic austriac (Franc Fari, Il cjâf dai furlans)
Sin. analisi
, indagjin
, ricercje
, scrutini
-
scrit che al conten i risultâts di chê ricercje:
fâ e publicâ studis e cirî fûr documents (Josef Marchet, Dome un rimiedi par salvâ il furlan: insegnâlu tes scuelis)
Sin. monografie
, tratât
, tratazion
, saç
-
s.m.
lavôr preparatori par capî lis carateristichis, l'impegn e v.i. di une opare in program:
[l'assessôr] al à anunziât il finanziament di un studi di fatibilitât, par un cost di cuasi 300 mil euros, suntun gnûf colegament tra la SR464 a Secuals e la SS13 e la A23 a Glemone (Stefania Garlatti Costa, Tiliment, il Serengeti de Europe centrâl)
Sin. plan1
, progjet
-
s.m.
stanzie di une cjase destinade soredut a studiâ, lei, scrivi:
lant fûr di cjase, o viodei il Cjapitani daûr dai veris dal studi (Carlo Sgorlon, Il dolfin);
a vevin zirât dapardut, fûr che tes cjamaris disore, e infin a jerin rivâts tal studi (Gianni Gregoricchio, Îr e doman)
Sin. mezât
-
mobilie che e furnìs chê stanzie
-
s.m.
puest dulà che un artist o un professionist al lavore:
e tacave a visâsi di jessi stade, daspò muart so pari […], intal studi di un nodâr parie cu la mari di Lissandri (Franca Mainardis, Il sium di Lissandri);
tal studi [di scultôr] dut al jere za pront. Il modelut di Enore al spietave poiât sul trepîts (Maria Forte, La Madone de Pâs);
al pensà di metisi di bessôl, di vierzi un "studi fotografic" no a Rome, indulà che no si cjatave plui, ma tal so paîs (Lucio Perès, Il mâl dal mûr)
Sin. buteghe
-
s.m.
sale o complès di salis di dulà che si trasmetin spetacui televisîfs e radiofonics:
cun partecipazions in studi e intervistis, ducj i politics che a contavin in chei agns a son passâts a Onde Furlane (Max Mauro, Un Friûl difarent: i 90 mhz di Onde Furlane);
une serie televisive fate no cun intervistis ziradis dentri di un studi televisîf, ma fûr sul teritori (Fabian Ros, Interviste cun Giorgio Cantoni);
o vevin di viodisi a dôs dopomisdì, tal Studi 6 de Television (Sergio Cecotti, Il President)
Polirematichis e espressions idiomatichis
Proverbis:
- ducj i studis no stan intune crepe