ricercje
/-cè-/
ri|cer|cje
[FO]
-
s.f.
il cirî e il so risultât:
e scomençà la umiliante vie crucis de ricercje dal lavôr (Roberto Ongaro, Il muc);
in chê volte par un mûl che nol tornave a jerin denunziis, interogatoris, ricercjis… (Riedo Pup, Viliacco)
Cfr. cercje
-
s.f.
ativitât inteletuâl fate cun chê di informâsi di un argoment o di slargjâ il studi o di lâ une vore indentri inte cognossince:
cjapât dai impegns cuotidians, no podei sul moment fâ une ricercje e o pensai par intant di custodî il materiâl cun cure (Lucio Perès, Une lance longobarde cjatade a Baracêt);
la ricercje sientifiche contemporanie e à mostrât che i costituents de personalitât a àn a ce fâ cu lis memoriis implicitis (Franc Fari, Neurosiencis de meditazion)
Sin. scrutini
, studi
-
risultât di chê ativitât:
nol è un câs che Galileo al scrivès lis sôs ricercjis ancje par talian e Newton ancje par inglês (Franc Fari, Il cjâf dai furlans)
Sin. studi