Dizionari de Lenghe Furlane

cercje  /cè-/  cer|cje  [AF]

1. s.f. il cirî, l'impegnâsi par cjatâ cdn. o alc di materiâl o imateriâl:  al jentre tal porton in cercje di done Veroniche (Zuan Lurinçon, La batarele); par Mario, tai dîs a vignî, la cercje di Lilie e sarès stade un martueri (Gianni Gregoricchio, Lilie)
2. s.f. il lâ ator a domandâ la caritât:  il lavôr di Jacun e la cercja dei fruts tigniva in pîts la famea, tant che la fan no vignìs propri a distruzila (Federigo Comelli, Il me paîs); dopo finide la cercje a jerin lâts a polsâ suntun toblât (Catarine Percude, Il voli del Signôr)
3. s.f. il provâ alc di bevi o di mangjâ:  la butilie sarà pronte e scuiside come ves plui agn. Cui sa se cui che la prove mi darà di sercje? (Toni Broili, Une maniere gnove di fâ butilie)
   Var. cerce
   
   1. piçule cuantitât di robe di mangjâ o di bevi:  ce par colpe di une cercje di pes, ce par colpe dal gust di bevi in companie, al fasè la sante via crucis par dutis lis ostariis dal paîs (Alviero Negro, Lis animis dal Purgatori)
   2. (fig.) piçule cuantitât rapresentative, probatorie o preditive di alc, sedi materiâl che imateriâl:  in chê volte ancje jo, come te, o cjalavi gno pari cun asse: cul rancûr di un fi che al volarès viodi almancul une cercje di lote o, magari, une ponte di riviel (Enrico Martina, Ricuarts e inlusions); par vê une cercje dai argoments tocjâts, fasìn un piçul struc des primis pontadis trasmetudis (Andrea Decorte, Un gnûf apontament cul furlan par television)
      Sin. cercin¹ , tic¹ , sclip , ninin , gote¹ , got , fruçon , fregul , campion

Polirematichis e espressions idiomatichis

• lâ in cercje loc.v.