got
/-ò-/
got
[AF]
-
s.m.
piçule cuantitât di licuit:
e jere nassude cuntun fîl di flât e la comari in presse i veve fat il segn de crôs cuntun gotut di aghe (Pieri Somede dai Marcs, Il segno);
si zonte pan sec gratât, une grampe di Grana gratât, jerbis taçadis (savôrs, ai, o ce che us plâs), sâl, pevar, un pêl di nole moscjade, cuntun got di lat se l'impast al è masse sec (Margherita Timeus, E dopo il brût… i vanzums, une miniere di aur)
Sin. cluc
, gote1
, lagrime
, sclip
-
cuantitât di robe di bevi che e sta intune tace o intune cjicare:
fasarìn une mirindute, un got di blanc, cuatri fetis di salam (Pieri Somede dai Marcs, Barbane);
"Joisus - e disè siore Pine - ma cuietiti, cuietiti che a dut si cjate rimiedi… Bêf intant un got di cafè che al è cjalt […]" (Maria Forte, Varc di confin)
Sin. tai
, tace
-
ancje cence specificazion, sotintindint vin, o ancje sgnape o altris alcolics:
bêf, bêf e no stâ pensâ a to pari cumò. Bêf ancjemò un got (Dolfo Zorzut, La furlane)
Sin. tai
, tace
Cfr. bussul
-
la tace che e conten chel licuit:
al bêf dut tun flât il vin che al veve tal got (Alviero Negro, La cjase)
Sin. tace
-
il plasê o il vizi di bevi alcolics:
un bon om e, di bon alpin, i plaseve il got e cualchi pipine di fieste le cjapave ancje lui (Pieri Somede dai Marcs, A jerin lagrimis)
Sin. tai