lagrime
/-à-/
la|gri|me
[FO]
-
s.f.
gote di licuit organic che al jes dai voi, massime pal vaî:
e sintî a dismolâsi il cûr tignût dûr fin li, e la muse si bagnà di lagrimis (Maria Forte, Cjase di Dalban);
si suiave une lagrime cu la man, ma une altre i coreve subit daûr (Carlo Sgorlon, Prime di sere);
dôs riis di lagrimis mi scjaldavin i smursiei (Stiefin Morat, Kebar krossè)
Var. agrime
, aglime
-
[TS]
fisiol.
licuit trasparent che al ten umide la superficie dal voli
-
s.f.
(ancje fig.)
spec. tal plurâl, il vaî, la comozion, la disperazion e v.i.:
al veve in fonts de vôs un vanzum di lagrimis inglotudis (Maria Forte, Il Bide di Miot);
cualchi volte i scjampave une lagrime, che la tristerie di Miriam i lave drete intal cûr (Gianni Gregoricchio, Trê feminis);
un vêl di lagrimis i passà sui voi (Pieri Somede dai Marcs, A jerin lagrimis)
-
s.f.
gote di materie licuide, grasse e v.i., spec. tant che carateristiche di ciertis robis di mangjâ:
al spiete il formadi cu la lagrime, o pûr la formaiele di Vilevuarbe ben stagjonade (Guido Antonioli, Florean dal Palaç, I, 21)
-
s.f.
(fig.)
piçule cuantitât di licuit:
[ai sommeliers] ur baste chê lagrime par induvinâ la cualitât e stimâ la bontât di chel vin (Riedo Pup, La civiltât dal fum)
Sin. got
, gote1
, gotute
, sclip
, tic1
, nuie
, ninin
-
s.f.
[TS]
bot.
emission di linfe des lidrîs o dal fust di une plante
-
s.f.
forme o ogjet di forme taronde di une bande e a ponte di chê altre:
un diamant taiât a lagrime
Sin. gote1
Proverbis:
- lagrime di femine, fontane di malizie
- lagrime di femine, sudôr di cjaval
- lagrimis di predi e sudôr di stradin, nissun no ju à mai viodûts
- lis feminis a àn lis lagrimis in sachete