sfuarç
/-à-/
sfuarç
[FO]
-
s.m.
implei di fuarce, o ancje di energjie, capacitâts, inteligjence, emotivitât e v.i., che al compuarte un impegn alt o un ciert impegn:
i pescjadôrs che sot sere a tiravin lis rêts cuntun sfuarç misurât e compagn, che al rivave a vinci il mâr (Maria Forte, Cjase di Dalban);
al varès vaît vulintîr, ma si stratignì fasint un sfuarç (Pieri Menis, Chei di Muraie);
la Lanzine ur proferì il solit cafè neri. Nita e servì a ducj, cence cjalâ Turi in muse, che al faseve mil sfuarçs par che lu cjalàs (Dino Virgili, La aghe da pît la cleve);
la slargjade dal ûs dal furlan e domande un sfuarç no nome politic ma ancje tecnic (Xavier Lamuela, La grafie furlane normalizade)
Sin. fadie
, fature
, impegn
, maneç
, smaneç
, stracade
, strussie
, tibi
, travai
, vite
, vore
-
s.m.
moviment dai muscui e di cierts orghins, produsût di une reazion che e pues ancje jessi involontarie:
lusignutis blancjis e neris, i sdanzavin denant dai voi… Di colp al sintì a rivâ un altri sfuarç di gomit (Amedeo Giacomini, Tal ospedâl)
-
s.m.
[TS]
med.
impegn fisic che al prodûs fadie, spec. pes funzions cardiorespiratoriis:
tu masanis chilometris, fin cent e cincuante par setemane, fintremai che il cûr e lis gjambis a son usâts al sfuarç (Cristina Noacco, Faliscjis)
-
s.m.
[TS]
fis.
solecitazion esterne suntun solit, par esempli su di un element di une struture o sul toc di une machine:
une idee plui clare de diference grandonone di compuartament mecanic des RPM par rapuart a lis maltis si gjave fûr dal diagram sfuarç/deformazion di une prove a flession (Alessandro Bachiorrini, Maltis armadis pes struturis dal tierç mileni)
-
s.m.
[TS]
sport
azion di scherme par parâ vie plui che al è pussibil la arme dal aversari de linie di atac
Proverbis: