angosse
/-ò-/
an|go|sse
[AF]
-
s.f.
stât di soference psicologjiche, di tension o di agjitazion profonde ma ancje no ben definide, par vie di fats negatîfs e no acetâts o no acetabii, sucedûts o che a podaressin sucedi o ancje dome imagjinaris:
le clamarin in ducj, un biel pieçut, cu la pôre te vôs: nissun sa la angosse di clamâ cussì e no sintîsi a rispuindi (Dino Virgili, La aghe da pît la cleve);
il taramot furlan al rivà ai 6 di Mai dal 1976. La angosse des primis oris e des primis zornadis e fo che al ves puartât vie dut il Friûl, la voie stesse di vivi in Friûl (Adrian Cescje, Memoriis di politiche linguistiche);
lui al à capît cetant tremende che a è par me cheste ore… la angosse che scombat la mê anime! (Pieri Somede dai Marcs, Mame…)
Sin. lancûr
, martueri
, pan sul stomi
, pene1
, preocupazion
, spasim
, grop
, ingôs
, ansie
Proverbis:
- e je miôr la pôre che no la angosse
- e je plui la pôre che no la angosse