spasim
/-à-/
spa|sim
[CO]
-
s.m.
contrazion, soredut involontarie, di un muscul:
un spasim i môf il smursiel di çampe (Gianluca Franco, Cuant che l'Istât al finìs - Ogni etât la sô maravee)
Cfr. convuls
, convulsion
-
sindrome, soredut dai fruts, caraterizade di convulsions:
cualchi gnot il frut al vaìve saldo e al jere plen di spasim (Maria Forte, Nossent)
-
s.m.
sensazion fisiche fuarte, cun contrazion involontarie dai muscui e respirazion svelte:
Ane lu veve strenzût, incolantsi cul cuarp a chel di lui e sal veve strassinât sul stran, che al cricave nancje che al suspiràs. Gust e spasim i stuarzevin il cuarp fin a fâlu ciulâ (Gianni Gregoricchio, Îr e doman)
-
s.m.
reazion o impression psicologjiche, morâl, emotive, sentimentâl che e scjasse o che e bloche:
co lumai la mont Cjanine / mi sintii sabulî il sanc: / un intop tal cuel, un spasim, / un tramaç da cjâf a pît... (Ercole Carletti, Tornant);
chel pinsîr [di zelosie] i dave un spasim, che il cjâf nol podeve rezi (Maria Forte, La tiere di Lansing)