Dizionari de Lenghe Furlane

fuarce lavôr    [CO, TS]

1. loc.s.f. econ. complès des capacitâts dopradis dai lavoradôrs par produsi:  il rapuart di produzion capitalist si svilupe par mieç di un rapuart tra il lavôr salariâl, li che un om o une femine a vendin la lôr fuarce lavôr, e il proprietari dai mieçs di produzion (Fabian Ros, Indipendence)
   
   1. (estens., impropr.) complès dai lavoradôrs che a puedin jessi impleâts:  tal 2011, il censiment al à di fat regjistrât 13 mil ocupâts in chest compart (il 3% de fuarce lavôr) (Walter Tomada, Di contadins a imprenditôrs, ma tocje fâ simpri di bessôi)

Components:

• fuarce s.f.
• lavôr s.m.