Dizionari de Lenghe Furlane

virtût  vir|tût  [AF]

1. s.f. disposizion morâl che e puarte l'om a fâ il ben, a jessi onest, just, a rispietâ lis normis morâls:  e alore privazion, erôr, vizi nol è altri che mancjance di bontât, di virtût, di veretât (Pieri Piçul, Vieri e gnûf)
   Sin. capacitât , cristianitât , cualitât , don¹ , dote , dreture , merit , possance , probetât , recuisît , valence , valôr
   
   1. cualsisei cualitât buine de anime umane:  al è un pôc di timp […] che lis plui bielis virtûts, cristianis o nome umanis, a vegnin cjapadis, da ognidun, di chê bande che i va ben (Josef Marchet, Fevelâ par dibant); un dai aspiets dal caratar di Milillo Rocco e jere la persistence, sûr zimule de fedeltât; e chestis dôs virtûts, miscliçadis adun, a vevin fat di lui un perfet carbinîr (Gianni Gregoricchio, Delchi)
      Sin. capacitât , cualitât , don¹ , dote , merit , possance , recuisît , valence , valôr
2. s.f. inte morâl sessuâl tradizionâl, il jessi vergjin prime dal matrimoni o il jessi fedêl te relazion matrimoniâl:  o ai pierdude la virtût cence lâ a messe… ahahahà… (Dino Virgili, La aghe da pît la cleve)
   Sin. castitât , dreture , onestât , probetât , vergjinitât ipon.
3. s.f. capacitât, ancje di alc di inanimât o imateriâl, di produsi consecuencis, di vê efiet:  inte gnot di sant Zuan il cocolâr di Moruç al bute fûr lis fueis e al inmanie lis coculis. E je chê rosade che e à virtût di fâlu menâ (Catarine Percude, La rosade di sant Zuan); fossial destin de vite lambicade, / fossie virtût di implastris e decots, / fat al è che murî a cent agn di un sfuarç, / sence cognossi miedis ne spiziârs (Ercole Carletti, L'amâr di Udin)
   Sin. capacitât , eficacitât , facoltât , fuarce , podê²

Proverbis:

• a impaçâsi cun canaie, si piert dute la virtût
• bisugne fâ di necessitât virtût
• la pazience e je la virtût dal mus
• la pazience e je une grant virtût
• necessitât e fâs virtût
• nuie nol fâs tant mâl che il vizi vistût di virtût
• si scuen fâ di necessitât virtût