autoritât
au|to|ri|tât
[FO, TS]
-
s.f.
struture o persone che e dopre un podê o che e fâs funzions publichis:
al è necessari ubidî aes autoritâts, rispietâlis, se no ce disio no vignaressial fûr (Lucio Perès, Vigji il vuardian);
la ande des autoritâts militârs talianis no someave masse divierse di chê mostrade tal 1866 (Carli Pup, La seconde Irlande);
al continue, ancje dopo de condane, a stiçâ chei altris internâts a ribelâsi e a no tignî in nissun cont la autoritât (Donato Toffoli, Il lunari mai jessût - Tellini te prime vuere mondiâl)
Sin. guvier
, podê2
, sorestanzie
-
tal pl., personis che a fasin part e che a rapresentin orghins cun funzions publichis:
o jeri sul palc in mieç des bandieris das associazions e da lis autoritâts de comune e dai comuns vicins (Pieri Somede dai Marcs, A jerin lagrimis)
-
s.f.
[TS]
dir.
facoltât di doprâ un podê o une funzion in forme legjitime
-
s.f.
influence, podê doprât di cdn. pe sô funzion, posizion jerarchiche, etât e v.i.:
al à chê odeose autoritât che a àn i grancj cuant che a distudin l'entusiasim di un piçul che al zuie (Checo Tam, Cjartute)
Sin. control
, dominance
, impuartance
, influence
, paronance
, potence
, fuarce
, pês1
-
s.f.
il gjoldi di un nivel di considerazion alt:
la autoritât e je une robe che plui si le dopre e plui si le fruie (Josef Marchet, Lis predicjis dal muini)
Sin. concet
, considerazion
, innomine
, nomenance
, stime
-
s.f.
cui che al à tante innomine o competence intun setôr:
al provà a fevelâi ancje Frau, che al jere une autoritât te Filologjiche, te Universitât e al jere president dal Olf. Nuie di fâ (Adrian Cescje, Memoriis di politiche linguistiche)
Sin. non1
, personalitât
, espert
-
s.f.
ande di comant tal imponi la proprie volontât:
al batè un pugn su la taule e cun autoritât al disè: «Vonde discussions […]» (Tarcisio Venuti, La cjase di Toni)
Sin. decision