Dizionari de Lenghe Furlane

ribaltament  /-ènt/  ri|bal|ta|ment  [CO]

1. s.m. il ribaltâ, il ribaltâsi e il lôr risultât, moviment che al prodûs un mudament complet di posizion:  la machigne si è ribaltade; tal ribaltament nissun si à fat mâl, ma l'otomobil al à vude une ruede smacaiade (Arturo Feruglio, El lunis di Titute Lalele)
   Sin. disledrosament , rivoltament , savoltament , ribalton , voltament , voltolament , volton , ribaltade , capotament
   
   1. sunsûr di moviment imburît:  al sint sul cjast dut une confusion, bim bom, dut un ribaltament (Dario M., Vigni Creato Spiritus)
   2. (fig., iperb.) moviment o funzionament iregolâr:  vê il ribalton tal stomi
   3. (fig.) sensazion di mudament emotîf imburît:  il pinsîr di viodilu dongje di te, al è come une spine che mi ponte il cûr… o sint dentri di me come un ribaltament, o sint che deventarès trist (Pieri Somede dai Marcs, Vilie di Nadâl (teatri))
2. s.m. (fig.) mudament di plante fûr:  une opare cuasi rivoluzionarie di contestazion ideologjiche, che e ven pandude midiant de ironie e dal ribaltament dal implant tradizionâl des oparis leterariis (Paolo Roseano, Introduzion a La vite di Lazarillo di Tormes, lis sôs fortunis e disdetis)
   Sin. disledrosament , rivoltament , rivoluzion , rivoluzionament , savoltament , sledrosament , stramudament , ribalton , voltament
   
   1. mudament imburît, ancje violent, soredut te politiche, te societât:  o speri - saie? - di viodi un grant ribaltament tal nestri paîs indulà che dutis lis figuris porchis, sul stamp di siôr Agnul, e vignaran butadis, une a la volte, te fuesse dal ledan! (Arturo Feruglio, I purcjinei); un ribaltament epocâl, che si sparnice a ducj i setôrs de nestre societât (Angelo Floramo, Cuintristorie dal Nûfcent 1980-1990)
3. s.m. manifestazion atmosferiche cun aiar fuart, precipitazions, che e pues ancje fâ dams:  eco che intun moment / nas un ribaltament / eco che a procissions / di ogni bande dan fûr dei nuvolons / part neris, part blanchiçs / e di colôr miscliç (Pieri Çorut, Un temporâl)
   Sin. ribalton , temporâl² , montafin , bovadice , codebuie , burlaç , savoltament