rivoluzion
/-òn/
ri|vo|lu|zi|on
[FO]
-
s.f.
savoltament profont, in gjenerâl ancje svelt e violent, dal ordin politic e sociâl che al vûl cambiâ di plante fûr guvier, istituzions, rapuarts, relazions economichis e sociâls:
la rivoluzion di Viene [dal 1848] che e lassave cence diretivis lis autoritâts militârs e civîls di chescj paîs (Josef Marchet, Cuintristorie dal Friûl fin sot la Italie);
i moviments dai sindacâts no son che un pas de rivoluzion, cheste e je la nestre politiche (Pieri Somede dai Marcs, Un pugn di moscjis)
Sin. messedament
, ribaltament
, ribalton
, savoltament
, voltament
-
s.f.
mudament svelt e radicâl di un sisteme economic e sociâl par vie di scuviertis sientifichis gnovis e tecnologjichis:
la idee di semenâ vuardi, forment e altris plantis […] e fo une des primis rivoluzions te storie de umanitât (Franc Fari, Il cjâf dai furlans);
la proletarizazion e fo in Ingletiere la cundizion de rivoluzion industriâl (Adrian Cescje, Liniis di storie sociâl e economiche dal Friûl 1500 - 1800)
Sin. messedament
, savoltament
, voltament
-
s.f.
(fig.)
grande confusion:
e si visaiso, in chê volte de vuere, ce rivoluzion di feminis che e je nassude là jù, a Gargagnà Disot? […] a vevin tacât a puartâ sui scjalins dal altâr de Madone de Cinture i ritrats dal om o dal fi o dal morôs, che a jerin soldâts (Josef Marchet, Lis predicjis dal muini)
Sin. confusie
, diauleç
, disastri
, messedament
, mismàs
, ribaltament
, savoltament
, tananai
, voltament
, confusion
-
s.f.
cualsisei mudament une vore svelt e radicâl:
[la laveblancjarie e je] la vere grande rivoluzion di chei agns, par vie che e regale timp libar, massime aes feminis, […] par vuadagnâsi une gnove indipendence (Angelo Floramo, Cuintristorie dal Nûfcent 1950-1960);
sul fat des vergognis po, la gnove culture e à parturît adiriture une rivoluzion: chês che si diseve no son plui vergognis, ma valôrs (Riedo Pup, I furlans e la mode)
Sin. messedament
, ribaltament
, savoltament
, voltament
-
s.f.
[TS]
astron.
moviment orbitâl di un cuarp celest che al fâs une orbite elitiche intor di un altri:
par vie dal moviment di rivoluzion de Tiere ator dal soreli e de inclinazion dal as di rotazion de Tiere rispiet al plan de sô orbite, vie pal an il soreli al fâs tal cîl un zîr aparent (Nando Patat, Archeoastronomie in Friûl);
par cognossi po il timp de lis fasis lunârs, ognun pol regolâsi daûr il pleniluni indicât calcolant 29 dîs e 5 oris par ogni rivoluzion (Federigo Comelli, Il me paîs)