atac
/-àc/
a|tac
[AF]
-
s.m.
azion agressive, fisiche o ancje dome verbâl:
[i beduins] a jerin comparûts di colp, cuant che nissun uficiâl si spietave un atac o une imboscade (Carlo Sgorlon, Il dolfin);
la stazion dai carabinîrs di Felet e jere stade sierade daspò doi atacs dai partigjans (Max Mauro, Buchenwald 1944);
su "La concordia" al jessive un altri atac a Cavedalis: i vignive contestât il fat di jessi tornât in Friûl invezit di jessi lât in esili (Giovanni Pillinini, Zuan Batiste Cavedalis - Une vite esemplâr)
-
s.m.
[TS]
sport
intai sports di scuadre, il complès des azions ofensivis, dai zuiadôrs che si impegnin tes azions ofensivis e la zone dal cjamp li che si davuelzin lis azions ofensivis:
la partide e va dilunc in maniere avonde ecuilibrade e dinamiche cu la Lazio che e prodûs alc di plui in atac e cul Udin che tal ultin cuart di ore al alce la linie dal so zûc (Marc Stolf, Lazio - Udinese 1-0);
Rico, in difese, al scarponave vie, il puartîr al berlave di tornâ, di cuvierzi. L'atac, al someave durmitulâ (Laurin Zuan Nardin, Il pari)
-
s.m.
[TS]
med.
manifestazion imburide di un disturp o di une malatie:
i cjapà, dopo cetant timp, un altri dai siei atacs di asme, ma cheste volte tant plui fuart (Gianluca Franco, I triscj);
al veve atacs violents di agressivitât cuintri ogjets e personis (Spirt Anonim, Gnot di Nadâl)
Sin. crisi
-
(fig.)
impuls fuart e subitani ancje di alc che nol sedi patologjic, tant che une emozion, un sintiment, un mût di fâ e v.i.:
o pensi ai pastons di Nadâl, cun dîs o dodis parincj, e bielzà cussì mi cjape un atac di panic misantropic (Igor Londero, Un blanc e un neri)
-
s.m.
part o dispositîf che al permet che doi elements si tachin un cun chel altri:
[par fâ i prins schîs] si cjapavin dôs breis di len e par fâ la ponte si lis stuarzevin intal sîr cjalt e po si metevin in pose fintremai che si suiavin. Pai atacs si doprave un pôc di fîl di fier che al vignive leât a la buine ator dal len (Manuela Quaglia, E ven jù che Diu le mande)
-
s.m.
prime part di alc, part di alc li che si invie une ativitât:
"Jo no soi minadôr, o soi di chei che a fasin di dut, e no jeri mai li dal atac [...]" (Agnul di Spere, Fieste di inaugurazion)
-
s.m.
l'inviâ, l'inviâsi o la prime part di un componiment leterari o musicâl:
pre Bepo al spiete che di daûr dal altâr i rivi il signâl di atac de ghitare, e po al scomence: "Stille Nacht..." (Lelo Cjanton, Stille Nacht)
Sin. esordi
, inizi
, jentrade
, principi
, viertidure
, imprin
-
s.m.
[TS]
sport
pont dulà che e tache une scjalade:
Il viaç al dure trê oris, plui une ore a pît par rivâ al rifugjo Fonda Savio, parsore Misurine, e une altre ore e mieze par rivâ, simpri a pît, di li al atac de vie Crepaz, tai Cjadins (Cristina Noacco, Faliscjis)
Polirematichis e espressions idiomatichis