discomut
/-ò-/
dis|co|mut
[CO]
-
adi.
che nol è comut, che nol sta ben intune cierte posizion, situazion, cundizion, sedi fisiche o pratiche che psicologjiche, relazionâl, economiche, sociâl e v.i.:
«Tu starâs un fregul discomut, li dentri» i disei ridint (Carlo Sgorlon, Il dolfin)
Sin. scomut
, incomut
Cfr. intrigât
-
adi.
che nol permet di stâ o di fâ alc cun comoditât:
in chel puest a si distache de strade maestre un troi, un pôc discomut se si vûl, che in cuatri salts al mene sù al paîs (Luigi Gortani, Il matescul di Cjabie)
Sin. scomut
, incomut
Cfr. intrigôs
-
s.m.
sensazion o atitudin di cui che no si sint comut:
un sens come di discomut, un dispiet di sintîsi di mancul, une pontute mare di invidie (Dino Virgili, Sabide di fruts);
cuant che si cjatavin in cjase nestre, che al jere ancje Nart, nô doi si sintivin in discomut (Roberto Ongaro, Cretevierte)
Sin. disasi
, incomut
-
s.m.
fat o situazion problematics, che no permetin di stâ comuts, cuiets e v.i.:
pardut dulà che i doi fantats a van, a cjatin calôr e simpatie, che ju ripain in part des faturis e dai discomuts che a patissin [tal viazâ in bici] (Paola Beltrame, Puartâ la culture… in bici)
Sin. disasi
, incomut
