malinconie
/-nì-/
ma|lin|co|ni|e
[AF]
-
s.f.
stât psicologjic negatîf, di displasê, pessimisim, sieradure e passivitât:
i tornavin lis peraulis de Leni «Se ti cjape la malinconie pense a mi» (Maria Forte, La tiere di Lansing);
[lis seris dal Friûl] a savevin dutis di polente e lat e fumatice grise pe Marçaie e la cjampane che e disniçave malinconie (Alan Brusini, Come tai romançs);
e la vilote plene di ligrie / che l'aierin mi puarte di lontan, / no sai parcè, mi fâs malinconie (Enrico Fruch, Sere di Autun)
Sin. aviliment
, avilizion
, malincûr
, malstâ
Var. melanconie
Cfr. fumate
, mufe
, paturnie
, smare
, marum
, malevoie
-
s.f.
pinsîr, o ancje situazion o fat, che al puarte o che al è caraterizât di chel stât psicologjic:
"Lassait di bande, lassait di bande, chistis malinconiis!…" (Francesco Nascimbeni, La maridarole)
Proverbis:
- cent oris di malinconie no pain un centesim di debit
- daspò di une grande ligrie e ven une grande malinconie
- e vâl plui une ore di ligrie che no cent di malinconie
- par une dì di ligrie si 'nd à cent di malinconie