mufe
mu|fe
[AF]
-
s.f.
formazion sfiliose o magle blancjice, verduline o di altris colôrs, produsude di foncs microscopics su la robe in decomposizion o tocjade de umiditât che e favorìs la proliferazion di chei foncs:
si sa che une cjase sierade e patìs, si dissipe; un lûc al à bisugne di sei doprât par mantignîsi san di mufis, di carûi (Roberto Ongaro, Cretevierte);
"No viodistu che e je dome une bolp muarte?" E jere une bolp dute verde di mufe (Checo Tam, Sense)
-
non gjeneric dai foncs microscopics, in particolâr di chei che a puedin vê efiets bogns o triscj te decomposizion o te trasformazion di plantis o aliments:
la monilie e je un fonc, une mufe, che e cjape lis menadis frescjis e lis flôrs di sespârs, cjariesârs e armelinârs (Enos Costantin, Un virus tes lidrîs)
-
s.f.
(fig., pop.)
timp meteorologjic une vore umit, cun fumate, nûi, sbivicje e v.i.:
«Cun chest timp, siôr dotôr, tocje stâ atents, vuardâsi des corentiis, dai sbalçs de clime. Viodial? Ca dentri al è un cjalt! E difûr al è un crût e une mufe […]» (Meni Ucel, Tant parom)
-
s.f.
(fig.)
caratar di veglece, di lontanance de modernitât:
la linie e il risultât che a vuelin al è compagn: trasformâ il furlan intune lenghe muarte. Dome che prime le volevin muarte tal ledan: no son rivâts e cumò le vuelin muarte te mufe (Sandri Carrozzo, L'Antifurlan);
o soi partît cu la gole di chel disordin creatîf dal Spirt che al bute par aiar lis cjartis plenis di (sante) mufe (Antoni Beline, Fîs dal concili)
Sin. lisp
, ramatic
-
s.f.
(fig.)
sens di fastidi e di discomut, umôr stufadiç:
"Dulà mo, Pieri, intindistu di lâ?" i disè il Signôr. "Ma, par passâ vie la mufe, jo disarès, Signôr, di tirâmi tal paîs dei Contents." "Va pûr cun Gjo: baste che tu ti ricuardis di no stâ masse." (Catarine Percude, Contents e malcontents)
Sin. cagnate
, cjativerie
, ipocondrie
, lubie
, nausie
, stufe
, smare
-
s.f.
(fig., pop.)
ande di superioritât:
cemût che a mi cjale chê siorine, dal alt al bas, cuant che i si scontrìn a mercjât, o cuant che i voi a messe in parochie, tal so paîs! Se i vedessis cun ce arie di pietât, di mufe… (Anute Fabris, A passe la scalmane)
Sin. puce sot dal nâs
, mierde
, caghe
, scaghe
, mafie
, albasie
, braùre
, pofardie
Proverbis:
- a stâ fers e ven la mufe
- amôr cence barufe al sa di mufe
- ogni biel bal al stufe, ogni bon pan al fâs la mufe
- ogni biel zûc al stufe, ogni bon pan al fâs la mufe