mafie
/mà-/
ma|fi|e
[AF]
-
s.f.
ande di cui che al è masse braurôs di cui che al è, di ce che al à, di ce che al fâs, dal so aspiet:
la baronade e jere fate! Jucant e sgagnint plens di mafie chei laris a tornarin cjase a fâ cjoche (Josef Cjargnel, La mont cu la spice discrodeade);
un panorame svariât di ideis e di progjets, no simpri dacuardi tra di lôr, ma unîts dal stes amôr pe nestre tiere e pal so futûr. Di chest o vin di jessi convints, abandonant la mafie di jessi ognidun miôr di chei altris (Dree Valcic, Fuarcis gnovis par gnovis bataiis)
Sin. albasie
, bote1
, braùre
, burbane
, caghe
, pompe2
, scaghe
, smafare
, suficience
, supierbie
, mierde
-
s.f.
organizazion criminâl origjinarie de Sicilie ocidentâl, fondade su grups ancje di fonde familiâr, cuntune jerarchie e un so codiç di onôr:
[Pino Puglisi] impegnât cuintri la mafie, al à lavorât tant cui fruts, par tirâju vie de strade e fâ di mût che no finissin par deventâ delincuents (Claudio Romanzin, Il Strolic furlan pal 2015)
Sin. societât onorade
-
(estens.)
cualsisei organizazion criminâl, no dome di origjin siciliane, slargjade e articolade:
chê vuere e je stade une vuere des mafiis: de mafie russe, che e je un grum in alt ca di nô, cuintri des mafiis locâls (Zuan Pieri Biasatti, Russie: tra memorie e finance)
-
s.f.
grup di personis che al puarte indenant i siei interès cence scrupui:
une mànie di int vendude ae mafie democristiane (Antoni Beline, Universitât furlane: frignâ o cjapâ sù un racli?)
Sin. clape
, manie1
, paste intindude
, camore
-
situazion dulà che e regne la coruzion e la ilegalitât:
pronts i furlans, ancje li, a zurâ che e je dute une paste intindude, ven a stâi une mafie (Riedo Pup, I furlans e la mafie)