Dizionari de Lenghe Furlane

sflacje  sfla|cje  [CO]

1. s.f. mancjance di fuarcis fisichis e psichichis:  plombi in jet par tante sflacje (Toni Broili, I trucs furlans. Ombre di lunari par l'an 1851); si fermavin ta la ombrene pognets cuntune sflacje che ur pesave in dut il cuarpesel (Dino Virgili, La aghe da pît la cleve)
   Sin. strache , cagnate
   
   1. pocje o nissune voie di fâ:  campions di une raze che si imbastardìs ogni dì plui [...] cu la scuele de camore, de coruzion e de sflacje (Josef Marchet, La torce de civiltât); [nol à fat nuie] ma no par cagnate o par sflacje ma nome parcè che il so compit e il so mistîr nol è chel di fâ alc, ma nome chel di informânus (Riedo Pup, Dîs milions di analfabets)
      Sin. cagnate , pocje voie di fâ ben , pocje voie , malevoie , pucefadie

Polirematichis e espressions idiomatichis

• bati la sflacje loc.v.
• distirâ la sflacje loc.v.