Dizionari de Lenghe Furlane

a grops    [CO]

1. loc.adi.inv. caraterizât de presince di grops, di zîrs che a fasin che une cuarde, un fîl e v.i. a restin leâts:  i vevin metude une tonie blancje e grande tant che un bleon, strenzude ae vite cuntune leande di lane a grops (Alan Brusini, Amîs come prime)
   
   1. caraterizât de presince di parts plui duris e gruessis:  lis mans e il cuel neris e a grops tant che lidrîs di morâr (Alan Brusini, Gian Paolo Linda, I forescj)
   2. di licuit, che al à parts che a son plui duris:  lat dispès lât di mâl che si lu mangje a grops (Ivano Urli, Storie di Min)
2. loc.av., loc.adi.inv. in maniere discontinue, costipade:  une dì no si sintì di lâ a vore. Al pareve che al tiràs il flât a grops. Mâl di cûr (Maria Forte, La fie çuete); ogni volte che mi someave che e fos rivade chê ore, che il flât i vignive fûr agrops o che e pareve distudâsi, ve li, che o clamavi il plevan e dopo un moment jê mi tornave incà (Raffaele Serafini, Altris contis di famee)
3. loc.av., loc.adi.inv. in plui individuis o elements dâts dongje:  za la albe del gnûf dì / scomence a comparî. / Lis passaris a grops, / a pene viarts i voi, / son in tabâr pai cops, / e fasin un davoi (Pieri Çorut, La nêf e i barons di place)
   Sin. a trops , a scjaps

Components:

• grop s.m.