parêt
pa|rêt
[FO]
-
s.f., s.m.
intun edifici, element verticâl che al separe un ambient di chel altri:
o varès di butâ jù une parêt in cantine, e di tornâ a fâle sù doi metros plui indenant (Carlo Sgorlon, Prime di sere);
une sole rampe di scjale cul pareman di len a stechis e mene disore tes cjamaris par une puarte vierte a mieze parêt (Pieri Somede dai Marcs, Un pugn di moscjis);
la cjase di Celine dal Cjaradôr e veve il piûl frait e un parêt, fressurât di sclaps, che al podeve colâ jù di un moment a chel atri (Domeni Zannier, La crete che no vai)
Sin. mûr
, paradane ipon.
, tramieç ipon.
-
s.f., s.m.
superficie verticâl che e siere un cualchi spazi, no dome di une costruzion:
mi veve clamât tal so ort par spostâ un vecjo cjôt par cuninats, di chei di une volte. E je vignude fûr une sene tipiche des comichis, cuant che lis cuatri parêts dal cjodat a son ladis ognidune par une bande diferente (Checo Tam, Sic transit gloria mundi);
[la arie cjalde de stue] al è costreta di movisi adasi e di bati nel so cors i parêts de la sô preson, e scjaldâju pardut (Federigo Comelli, Il me paîs)
-
(fig.)
cualsisei element verticâl, che al vedi ancje estension in lungjece o largjece, ancje se nol à continuitât:
la blave e jere biele alte, parêts verdis parmìs des stradis (Agnul di Spere, Vivi a Codroip)
Sin. mûr
-
s.f., s.m.
superficie di cret di une montagne che e va sù cuasi verticâl:
al veve metût il pît in fal e al jere colât jù berlant fra lis parêts dal foron (Roberto Ongaro, Cretevierte)
-
s.m.
[TS]
venat.
rêt par cjapâ uciei:
Denêl puartà il salvadi / cjapât vuê tal parêt / che si mangjà sul spêt / cun de polente (Toni Broili, Matrimoni in borascje)