cuartîr
cuar|tîr
[AF]
-
s.m.
zone di une citât cun carateristichis storichis, urbanistichis e funzionâls particolârs:
tal cuartîr zaromai le cognossevin ducj (Carlo Tolazzi, La salamandrie tal fûc);
si cjape une cjasute in afit tal cuartîr dal Canal Regio (Pierluigi Visintin, Friûl e furlans te Histoire de ma vie di Giacomo Casanova)
Cfr. contrade
, borc
-
s.m.
[TS]
milit.
complès dai edificis che a ospitin un repart militâr:
ne lis casarmis come ancja nei cuartîrs bisugna osservâ simpri il plui bon ordin pussibil (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
-
s.m.
abitazion privade, soredut dentri un complès di plui abitazions:
o vivevi tun cuartîr dulà che par meti un jet matrimoniâl, o varès scugnût gjavâ l'armâr, tant la cjamare e jere piçule (Alan Brusini, Gian Paolo Linda, I forescj)
Sin. apartament
-
puest dulà che si sta a durmî, soredut cjapât a fit o vût par un pôc di timp par resons di lavôr:
«[…] Ise vere che o vês lassât la cjamarute che o vevis culì par lâ tal paîs? […]» «Sì, Herr Müller, o ai cambiât cuartîr e lu ai fermât par un pieç a Lansing […]» (Maria Forte, La tiere di Lansing);
e jù a contâ dut: e Sant Marc, e il Rialto, e la aghe pes stradis, e gondulis, puints… «E il cuartîr?». «Ben, a presi» (Meni Ucel, I articjocs)