borc
/-ò-/
borc
[FO]
-
s.m.
complès di cjasis suntune strade fûr dal centri origjinari di une citât o di un paîs:
la Blancjade e jere un gatul di strade che e leave pes curtis, sot Cjampeon, l'ultin borc di Biliris cun Samardencje (Meni Ucel, I colaçs);
o soi tornât in paîs e pe strade dal borc o ai viodût une vore di int che e vignive indaûr a troputs dal cimitieri (Pieri Menis, Une cotule pal dì de sagre)
Sin. contrade
-
la strade stesse, tant che de vie di passaç jenfri des cjasis, ancje maiuscul te toponomastiche:
rivade in citât […] e veve cjatât cuartîr intune cjamarute, par no dî cjamarate, in borc Sant Lazar (Roberto Ongaro, Il muc)
Sin. contrade
, strade
, vie
-
s.m.
zone di citât o di paîs, o frazion di paîs formade di plui stradis:
la rive si alce sflanchinant e, fra la cjase sgombade dai Grîs e la scjalute dal Sagrât, si piert te plaçute dal borc (Maria Forte, La rive di Sant Pieri);
ator de glesie si è formât un borc, e ancje chel lu clamarin «borc di Madone», e vuê al è un dai plui grancj di Buie (Pieri Menis, Lis leiendis di Buie)
-
s.m.
grup di cjasis plui piçul de citât:
al ricuardave: une gnot là sù, tal so borc di montagne lu vevin sveât aes dôs: une frutine intune casere e murive di angjine (Pieri Somede dai Marcs, O sielç lis stelis)
Sin. paîs
, vile
, borgade
-
s.m.
grup di cjasis plui piçul dal paîs:
ducj - cuarante mil personis a jerin chest an - a restin cjapadis de clime e de sugjestion di cheste fieste: la netisie austriache dal borc [Insic], lis musichis, i costums, il fevelâ a basse vôs, la educazion e l'ordin (Riedo Pup, Franz Josef e Garibaldi);
a jerin vignûts jù a Tarcint, dal lôr borc rimpinât sù pes monts de Sclavanie furlane, a marcjât (Meni Ucel, La vacje)