Dizionari de Lenghe Furlane

paîs  pa|îs  [FO]

1. s.m. grup di cjasis e di altris costruzions che nol rive ae grandece di une citât:  al cirive ancje un lavôr, a Trep o tai paîs li ator, ma ogni volte che al tocjave chel tast, la int e spacave il cjâf (Carlo Sgorlon, Prime di sere); a saressin lâts ator pal paîs, e la matine e sarès passade tun lamp, e Barbure e varès savût dut di ducj, parcè che tun paîs no pues sei che cussì (Agnul di Spere, Vivi a Codroip)
   Cfr. citât¹ , vile , borc
   
   1. int che e je a stâ in chel grup di cjasis:  in mancul di une ore dut il paîs al jere ingrumât in place (Gianni Gregoricchio, Trê feminis); me mi à viodût dut il paîs a lâ, cjase par cjase, a tirâ sù bêçs par lis spesis dal ricors, pe tasse dal bol e pe pueste (Alviero Negro, Int di masnade)
2. s.m. teritori di une istituzion politiche, in gjenar un stât, o caraterizât de presince di une comunitât nazionâl:  mudâ lis economiis dai Paîs dal Sud di economiis di dipendence […] in economiis autonomis (Buteghe dal Mont, Luche Nazzi, Guide par un consum just e solidâl); la Italie, si sa, e je paîs di sants, di poetis, di esploradôrs, di navigadôrs (Riedo Pup, A Livorno une buse ta la aghe)
   Sin. stât³ , patrie
   
   1. comunitât che e vîf in chel teritori:  a disin che [il referendum] al à spacât il Sindacât, al à dividût il Paîs, al à confusionât il mont dal lavôr, al à intiziât e provocât i parons (Riedo Pup, Il scandul dal Corpus Domini)
3. s.m. [TS] milit. (zerg.) reclute, soldât che al ven di un paîs, in contraposizion cun chei di citât:  «Ma l'armistizi ce isal?» […] i paîs come me, sì e no a savevin ce che e jere (Alan Brusini, Chei de vuere dal '15)
   Cfr. tocjo , tabar , nono , vecjo , gamel

Polirematichis e espressions idiomatichis

• mandâ a chel paîs loc.v.
• mandâ in chel paîs loc.v.

Proverbis:

• al è miôr si brusi un paîs pluitost che si pierdi une usance
• cuant che il gjat nol è in paîs e fâs fieste la surîs
• cui che al barate paîs al barate fortune
• cui che al mude paîs al mude costum
• dut il mont al è paîs
• e vâl plui la fieste in famee che no la sagre dal paîs
• fortunât cui che al à un voli tal paîs dai vuarps
• in cent agns e cent dîs la aghe a torne ai siei paîs
• miôr brusâ un paîs che no dismeti une usance
• nissun profete tal so paîs
• ogni paîs la sô usance, ogni cjase il so costum
• se la gjate no je in paîs, a fâs fieste la surîs
• se la gjate no je in paîs, a fâs sagre la surîs
• tai paîs dai laris ducj a son galantoms
• tal paîs dai laris la man su la borse
• tal paîs dai vuarps al è fortunât chel che al à un voli sôl
• tal paîs dai vuarps beât cui che al à un voli
• Tarcint, biel il paîs, triste la int