vile
vi|le
[FO]
-
s.f.
grup di abitazions avonde piçul intune zone di campagne:
ai 27 di Fevrâr, intal colm dal Carnevâl, la citât di Udin e je plene di int rivade ancje des vilis dulintor (Carli Pup, Il Friûl de Joibe Grasse dal 1511);
dutis dôs lis vilis a vevin la lôr glesie, lis lôr scuelis, la lôr latarie, il lôr lavadôr (Pieri Menis, Disore e disot);
a lour montagnôi di una vila rampinada sul cret, usâts da cui sa cetanti jeti a vuardâsi dai forescj, a i pareva da vê poura di chei da la Bassa (Novella Cantarutti, Li clâfs);
Cividât no je une vile / ma une ponte di citât (Popolâr, Cividât no je une vile)
Sin. borc
, paîs
-
s.f.
cjase di siôrs, tai timps modernis ancje di dimensions moderadis, cun zardin:
la vile si le viodeve di lontan, cjase viere une vorone, al diseve il cont Gardo (Alan Brusini, Par stradis lungjis);
i gnûfs zardins des gnovis vilis dai gnûfs siôrs, distacâts dal ambient, straneâts de campagne (Riedo Pup, I furlans e il zardin);
la cjase e jere une vecje vile liberty bandonade (Checo Tam, Stalker)
Cfr. palaç
, cjase
Proverbis:
- al è miôr brusâ siet vilis che no pierdi un dirit
- misdì di vile o che al passe o che nol rive
- ogni vile la sô usance, ogni cjase il so costum
- par vê la pâs in chest mont a vuelin trê robis: une femine par cjase, une passare par vile, une cocule par sac
- par vivi in libertât o in vile o in citât
- une femine par cjase, une passare par vile, une cocule par sac
