citât1
ci|tât
[FO]
-
s.f.
grant abitât li che si davuelzin ativitâts aministrativis, economichis, sociâls, religjosis e culturâls:
[Carlo Morelli de Schönfeld] al veve viazât par studiâ lis istituzions des citâts di mâr talianis e francesis, e cuant che al jere tornât al veve vût la incarghe di meti a puest i archivis, cussì al veve cjatât un grum di notiziis storichis, par la cuâl i jere vignude la idee di scrivi une storie di Gurize (Pierluigi Visintin, Friûl e furlans te Histoire de ma vie di Giacomo Casanova);
o vês di savê che Aquilee in chê voltone, e jere une citât cetant grande (Josef Cjargnel, Atile a Aquilee);
o mi soi metût dacuardi cul Gjenerâl dai Vigjii, par che al mi lassi dismontâ jù dal mio çucul, dopo distudâts i ferâi, e par che al mi lassi lâ, un pâr di orutis par gnot, a baronon pe citât (Guido Antonioli, Florean dal Palaç, I, 1);
Triest si è svilupât, dopleât, al è deventât une citadone grande, siore, plene di vite sot da la Austrie (Josef Marchet, Cui nus liberaraial des liberazions?);
progjets par un gnûf model di famee moderne […] pronte par une vite spindude tai apartaments di une citât di gnove concezion (Angelo Floramo, Cuintristorie dal Nûfcent 1950-1960)
Var. zitât
, sitât
-
tant che aposizion dopo di un toponim, par specificâ la part plui vive e popolade rispiet aes zonis mancul popoladis di un comun:
a Gurize citât il segnâl nol è mai stât cjapât e a Pordenon nome in perifarie (Max Mauro, Un Friûl difarent: i 90 mhz di Onde Furlane)
-
s.f.
titul che si dan comuns impuartants pe tradizion storiche, ancje se no àn tancj abitants:
la citât medievâl di Vençon
-
titul che si dan comuns impuartants pe par cualchi produzion specifiche, ancje se no àn tancj abitants:
Cormons, citât dal vin
Sin. capitâl2
-
s.f.
denant di adi., part, zone specifiche di une citât:
la citât viere;
la citât universitarie;
la citât olimpiche
Sin. borc
-
s.f.
complès dai citadins, citadinance:
la citât e je stade decorade cu la medaie di aur pe Lote di Liberazion (Marc Stolf, 25 di Avrîl: Fieste de Liberazion, Fieste dal Friûl)
Sin. citadinance
Proverbis:
- par vivi in libertât o in vile o in citât
