gamel /-èl/ ga|mel [CO]
- s.m. contignidôr di late: si sentavin a gustâ sul pedrât, cul gamel par cjera (Novella Cantarutti, L'asfalt)
- s.m. (zerg.) tal servizi militâr, reclute rivade di pôc: al capite di corse su la puarte un caporâl che nus sberle: "Gamei, subit doi cun me" (Alan Brusini, Amîs come prime); i vecjos de naie si divertivin a spaurî chescj gamei (Gianni Gregoricchio, Îr e doman)
- s.m. (zerg.) garzon di stagnin: "Gamel, fica a sardentâ un marcinot di bruscai al tecar!" (Piero Menegon, Gli stagnini di Tramonti e il loro gergo)
