Dizionari de Lenghe Furlane

famee  /-mè-/  fa|me|e  [FO]

1. s.f. grup di personis leadis di parintât strente, massime pari, mari e fîs:  e jere in jê une voie frescje di doprâsi par une famee dute sô (Maria Forte, Cjase di Dalban); a erin na fameona granda che a implenava la cusina, cuant che a si cjatavin insiemit a gustâ (Novella Cantarutti, "Prît!"); fra Silvio al jere un frari dal convent dai capucins di Udin e no jere famee de planure furlane che no lu cognossès (Pieri Somede dai Marcs, Fra Silvio)
   Var. fameie
   
   1. tant che adi.inv. in confezions di mangjative o di alc altri par une famee interie, duncje in buine cuantitât e a pôc presit:  un biel pac di wafers, formât famee (Barbara Battel, Benedete television)
2. s.f. grup larc di personis in parintât une cun chê altre, ancje dilunc di plui gjenerazions:  [i Strumîrs] a metin adun la plui part dai nobii de Patrie a tacâ di fameis tant che i Torians, i Colorêts e i Strassolts (Carli Pup, Il Friûl de Joibe Grasse dal 1511)
   Sin. cep , cjasade , cjase , clape , cueste , çoc , çocje , gjernazie , int¹ , sanc , semence
3. s.f. comunitât di personis leadis di alc, ancje intune struture organizade:  tal 1929, i furlans di New York a crein une Famee Furlane, la prime tai Stâts Unîts (Javier Grossutti, La emigrazion dal Friûl - Vignesie Julie tai Stâts Unîts); i sants de grande famee di Diu (Antoni Beline, Sant Jacum, là che al finìs il mont)
4. s.f. grup di personis che si cjatin ben tra di lôr:  paisut, che fin chi al jere dut une famee, une biele zornade si è cjatât dividût in plui partîts (Pieri Menis, Chei di Muraie)
5. s.f. [TS] zoot. comunitât di âfs che e à da cjâf chê stesse regjine, che e vîf insiemi tal stes bôç:  al stave simpri a la erte di no piardi mai chês âfs che, cuant che a vevin chê di fâ une altre famee, a bandonavin il bôç par lâi daûr a une gnove regjine (Alviero Negro, Lis âfs di Min)
6. s.f. [TS] ling. viôt famee linguistiche
7. s.f. [TS] mus. complès dai struments che a àn timbri analic ma tiessidure diferente:  la famee dai membranofons
8. s.f. [TS] biol., bot., zool. categorie sistematiche parsore dal gjenar e sot dal ordin:  Megalancosaurus al jere un piçul retil arboricul de famee Drepanosauridae (Francesco Gobbo, Gjeologjie e paleontologjie ator di Preon); l'om al fâs part dai Ominidis o simiis antropomorfis, une famee di primâts che e ten dentri il gorile, l'orangutan, il simpanzè e il bonobo (Franc Fari, Eric Pascul, Autonomie e democrazie, i numars de socializazion umane)
9. s.f. [TS] petr. grup dai crets che a àn i stes components essenziâi:  la famee dai basalts
10. s.f. [TS] chim. te classificazion periodiche dai elements, insiemi di elements dentri dal stes grup cun proprietâts che a son dongje
11. s.f. [TS] mat. insiemi di curvis e superficiis cun proprietâts analighis e carateristichis che si somein:  la famee des superficiis di rotazion
12. s.f. [TS] filol. serie di manuscrits che a son leâts a la stesse çocje

Polirematichis e espressions idiomatichis

• amì di famee loc.s.m.
• arbul di famee loc.s.m.
• meti sù famee loc.v.
• pari di famee loc.s.m.
• plantâ famee loc.v.

Proverbis:

• doi neris a fasin stâ ben la famee: predi e purcit
• e vâl plui la fieste in famee che no la sagre dal paîs
• il mulin al è un bon cjamp e la glesie une grande famee
• la caritât e manten lis fameis
• la ligrie bisugne fâle in famee
• lis comarutis a son la ruvine des fameis
• lis divisions a ruvinin lis fameis
• ogni famee al è un demoni e al mene la code pardut
• vûstu vê pâs in famee, cusii la lenghe a la femine