scjale1
scja|le
[FO]
-
s.f.
ancje tal pl., struture architetoniche componude di une schirie di piçui ripois che e unìs i plans di un edifici o ancje che e permet di lâ sù par une rive:
une scjale di len e menave suntun puiûl e a lis cjamaris adalt (Carlo Sgorlon, Prime di sere);
Bastian al ven jù ben planc pes scjalis tignintsi al pareman (Pieri Somede dai Marcs, Un pugn di moscjis);
la loze [dal Comun di Glemone] di prime e jere stade piturade di Pomponio Amalteo, si jentrave di une scjale centrâl, a dople rampe (Bepi Agostinis, Storie de art in Friûl)
Sin. scjalinade
Cfr. rampe
, pareman
, scjalin
, pat2
, ram2
-
s.f.
imprest mobil di len o di metal, cun dôs stangjis lungjis di une bande e di chê altre e tres o spiergui che lis unissin e che a fasin di scjalins:
l'è el garzon dal marangon cuntune scjale lungje lungje su la schene che al si sgose par passâ [e salvâ une fantate di une cjase che e bruse] (Dolfo Zorzut, No je plui vive)
Sin. scjale a man ipon.
, scjale di man ipon.
, scjale a pecoi ipon.
, scjale musse ipon.
Cfr. spiergul
, poc2
, pecol
-
s.f.
(fig.)
sucession di elements ordenâts daûr di grandece, fuarce, impuartance e v.i.:
individuâ une scjale di prioritât o di impuartance des azions di davuelzi (Adrian Cescje, Memoriis di politiche linguistiche);
lis stelis e i galons ur contentavin la dibisugne di un ordin, di une scjale di comant (Maria Forte, La tiere di Lansing);
no veve vuadagnât nissun pês te scjale sociâl (Carlo Sgorlon, Ombris tal infinît)
Sin. classifiche
, game
, liste
-
s.f.
dimension dal cjamp li che al ven considerât un fenomen:
la influence des Alps su la circolazion atmosferiche e cres a man a man che o lin tal detai, ven a stâi plui che o studiìn i fenomens su scjale locâl (Stefano Micheletti, Marcellino Salvador, Notis di meteorologjie pal Friûl - Vignesie Julie)
-
s.f.
rapuart jenfri lis misuris di une rapresentazion o riproduzion e chês reâls:
il non ["Monte Nero"] al saltà fûr pe prime volte inte cjarte in scjale 1:100.000 dal Istitût Gjeografic Militâr jessude intal 1905 (Ermanno Dentesano, Monte Nero);
al sgarfà tun scansel dal armaron e al cjapà une grampe di panzergrenadieren de Atlantik in scjale 1/32 (Checo Tam, Sense)
Sin. proporzion
-
s.f.
[TS]
mus.
ordenament di suns daûr de altece:
i fruts cui lôr struments, trombis, clarinets, bombardins, a son ducj brâfs. […] Ma la comission e je severe: bisugne viodi se il frut al cognòs la scjale tes tonalitâts plui facilis; se al sint la diference dal maiôr al minôr, se al è espert te leture (Alan Brusini, Amîs come prime)
Sin. scjale di musiche
, scjale musicâl
-
s.f.
[TS]
sient.
tal lengaç sientific e tecnic, sucession di valôrs convenzionâi che a misurin la intensitât di un fenomen:
l'incident [di Fukushima] al è stât classificât cul grât plui alt de scjale INES (International Nuclear Event Scale) che e misure la gravitât dai incidents nucleârs (Alessandro Pascolini, Il disastri de centrâl nucleâr di Fukushima Dai-ichi)
-
s.f.
[TS]
zûcs
tai zûcs di cjartis, spec. tal poker, serie di cjartis ordenadis intune secuence di valôr continue:
vinci cuntune scjale di cûrs
-
s.f.
[TS]
mat.
sucession cressinte o decressinte di numars reâi
Proverbis:
- il mont al è fat a scjale: cui che al va sù e cui che al cale
- il mont al è fat a scjale: cui cres e cui cale
- il mont al è fat a scjale: un pôc si cres e un pôc si cale
- insom de scjale si cole
- la mê scjale no rive ai tiei barcons
- la tô scjale no rive ai miei barcons