liste
lis|te
[FO]
-
s.f.
toc lunc e stret di cualchi materiâl:
lis listis e lis lamis [dal cjaruç] a finivin cuntun biel riçot o cuntune biele rose di fier (Dino Virgili, Il cjaruç dai Bas)
Sin. bande
, fasse
-
forme lungje e strete:
dopo plot si podeve cucâ fintremai il mâr: une liste lusinte, lontane, jenfri cîl e tiere (Dino Virgili, La aghe da pît la cleve)
-
s.f.
serie ordenade di robis o personis, dâts e v.i.:
done Pine e veve, come simpri, preparade la liste de robe che e coventave (Pieri Menis, Chei di Muraie);
nol è paîs in Friûl che no lu vebi [un monument ai "caduti"], cun listis di muarts di fâ vignî i sgrisui (Francesc Placerean, Cuintristorie dal Friûl dal 1866 fint in dì di vuê)
Sin. catalic
, inventari
, sfilze
-
grup, categorie di robis o personis regjistradis in maniere uficiâl par une cierte carateristiche o cualifiche:
metisi te liste dai disocupâts (Carlo Sgorlon, Prime di sere);
la otusitât dai orghins preponûts e veve fat in mût che [Pignûl, Sclopetin, Ribuele Zale e Tacelenghe] no fossin metûts dentri te liste comunitarie des varietâts di vîts coltivadis in Friûl (Dree Venier, Giannola Nonino: une rivoluzion partide des lidrîs)
-
s.f.
serie ordenade cui nons dai candidâts che si presentin intune votazion:
cheste volte i regjonaliscj a varessin stabilît di presentâsi in competizion cuntune liste par cont lôr (Josef Marchet, O zuìn ancje nô);
ogni liste e i candidâts a sindic a àn di depositâ li de segretarie gjenerâl dal comun […] une declarazion cul preventîf des sôs spesis eletorâls (Aministrazion Publiche, Statût dal Comun di Udin)