scjalin
/-ìn/
scja|lin
[FO]
-
s.m.
element che al costituìs il passaç tra doi nivei a altece diferente, formât pal solit di un plan orizontâl, par poiâ il pît, e un verticâl, par permeti di lâ sù o jù suntun altri plan:
o traviersi il paîs. Cualchidun al scove la nêf dai scjalins di cjase (Alan Brusini, Gian Paolo Linda, I forescj);
la piere dal fogolâr e je dute fruiade e ancje il scjalin sul pat de puarte al è lint (Dino Virgili, La Gnot dai Sants)
-
cualsisei ogjet o struture che si pues someâ a chel element e che al lee nivei diferents:
Vera e olme dongje il puarton de caserme une tasse di troncs a scjalins e e studie ce maniere scjampâ (Ivano Urli, Storie di Vera)
Sin. tap
-
s.m.
(fig.)
ognidun dai passaçs o dai diviers nivei di une liste, di une classificazion, di une jerarchie, di une evoluzion e v.i.:
ognidun che al vebi il ghiti di mostrâsi un scjalin plui alt dal contadin, al spessee a pestâ par talian o par venit a sun di strambolots (Josef Marchet, Sudizion, la pecje dai furlans);
la Udinese e à zirucât. E je lade a finîle trê scjalins plui in sot di l'an passât (Riedo Pup, O cun Zico o cence Zico);
no jerin timps bogns ma, cun dut achel, i obietîfs si alçavin di un scjalin ogni an (Stiefin Morat, Musets)
Sin. nivel
, grât1
Cfr. puest1
, pont
, posizion
Proverbis:
- nûl a scjalins ploie a sglavins
- nûl a scjalins, ploie a cjadins; nûl a barcjons, ploie a bleons
- nûl a scjalins, ploie a sglavins; nûl a barcjons, ploie a bleons