Dizionari de Lenghe Furlane

grât¹  grât  [FO]

1. s.m. ogni dade o posizion sucessive di une progression:  il grât di acuardi al è stât declarât cuntun numar intîr che al va di +5 (plen acuardi) a -5 (plen disacuardi) (Carlo Cecchini, Matteo Fogale, Une esperience di plurilinguisim inte didatiche de matematiche)
   Sin. fase , gradazion , sfumadure , stadi
   
   1. nivel di une cierte cualitât:  sostancis inorganichis a un grât elevât di purece e a struture cristaline (Lorenzo Marcolini, Lis celis organichis nanostruturadis)
2. s.m. posizion di une persone intune jerarchie, spec. militâr:  al fo clamât a Udin par fâ part, cul grât di colonel, di un Comitât di Vuere cun Luîs Duodo e Alfons Conti (Giovanni Pillinini, Zuan Batiste Cavedalis - Une vite esemplâr)
   Sin. incarghe
   
   1. spec. tal pl., simbul di chê posizion che si met su la monture:  al jere rivât in place cu la sô bande di osovans; cui grâts, chest colp, no di maressial, ma di cjapitani (Alan Brusini, Par stradis lungjis)
3. s.m. denominazion di plui unitâts di misure
   
   1. di temperadure:  vie te gnot, fûr pe «stepe», cun trente grâts sot zero, talpinant te nêf e te glace (Pieri Menis, Il «miracul» di un ûf)
   2. di percentuâl di alcul:  [il tokai] ongjarês al è dolç, ambrât, cun plui di cuindis grâts di alcul (Redazion SFF, La ultime vendeme dal nestri Tocai)
   3. ognidune des 360 sezions di un angul zîr:  [l'as de Tiere] nol è dret ma al è inclinât di 23 grâts in rispiet de sô orbite (Bepi Zefon, Il calendari dai Maya)
   4. in misurazions di fuarce, intensitât, gravitât e v.i. di un fenomen o di un materiâl:  l'incident [di Fukushima] al è stât classificât cul grât plui alt de scjale INES (International Nuclear Event Scale) (Alessandro Pascolini, Il disastri de centrâl nucleâr di Fukushima Dai-ichi)
   5. in scjalis di dificoltât o abilitât:  une paredute sportive di un cuart grât (Sandri Carrozzo, La mê prime scjalade)
4. s.m. gram. forme che e dîs la misure di une scjale cualitative o cuantitative di une categorie gramaticâl:  i grâts dal adietîf a son positîf, comparatîf e superlatîf
5. s.m. [TS] mus. ognidun dai suns di une scjale musicâl:  il fantat al à di cognossi i timps, ternari e binari, di savê lis distancis de scjale naturâl, "cinque toni e due semitoni"; e su ce grât de scjale che a son chei e chei altris (Alan Brusini, Amîs come prime)
6. s.m. nivel di leam di parintât:  barufe che si jere sparniçade ator pai curtîi tra cusins di prin e secont grât (Alan Brusini, Come tai romançs); a puedin jessi assessôrs i citadins […] che no sedin il coniugât, i assendents, i dissendents, i parincj e parincj par leç dal sindic fintremai al tierç grât (Aministrazion Publiche, Statût dal Comun di Udin)

Polirematichis e espressions idiomatichis

• in grât di¹ loc.prep.
• passâ di grât loc.v.