stadi
sta|di
[AF]
-
s.m.
[TS]
stor., metrol.
misure di lungjece inte Grecie antighe, uns 177 m tal sisteme atic e uns 185 m tal sisteme alessandrin
-
stor.
gare di corse che si faseve su chê lungjece
-
stor., arch.
struture, ancje cun tribunis, li che si fasevin e si cjalavin garis di corse:
il Stadi di Olimpie al mostre inte sô gjeometrie elementâr la bielece de sô semplicitât (Adrian Cescje, Viaç aes origjins dal Logos)
-
s.m.
implant architetonic par ativitâts sportivis, formât dal cjamp di zûc, in câs ancje cun pistis e diviersis struturis, e des tribunis, doprât ancje par manifestazions no sportivis li che al sedi tant public:
il public di cjase al scomence a sbandonâ il stadi, smonât e deludût (Marc Stolf, Cagliari - Udinese 0-4);
cuant che Zuan Pauli II al à fate la messe intal stadi Friûl, un grop di amîs di Glesie Furlane si sin rifudâts di partecipâ a la celebrazion (Tonin Cjapielâr, Benvignût pape Benedet XVI)
-
cuantitât di spetadôrs che e je in chel implant a viodi un avigniment
-
s.m.
ognidune des fasis di un procès, di un fenomen, di une evoluzion e v.i.:
vedue di pôc, avilide ma ancje liberade come dutis lis veduis, che chel al è un stadi de vite che aes feminis ur parten come une ricompense dopo vê sopuartât l'om vieli e malât (Alan Brusini, Come tai romançs);
un stadi primitîf de storie dal univiers (Sergio Cecotti, Teologjie algjebriche)
Sin. fase
, grât1
, nivel
, scjalin