fase
fa|se
[AF]
-
s.f.
dade di timp, part di une dinamiche che e je diferente di chê prime:
tai prins agns novante si viôt une fase gnove inte culture furlane. La riviste Usmis e dutis lis iniziativis che si movin ator di jê a puartin, come che si à za dit, un interès gnûf pe lenghe furlane (Max Mauro, Un Friûl difarent: i 90 mhz di Onde Furlane);
o vuei che si passi de fase de denunzie e dai apei a fuarcis politichis e istituzions ae fase des propuestis di leç di tutele (Adrian Cescje, Memoriis di politiche linguistiche);
la inovazion e la tecnologjie a àn modernizât cualchi fase mecaniche dal procès [di produzion dal persut] (Oscar Puntel, Un persut unic par un lûc unic)
Sin. cjapitul
, ete
, moment
, pont
, stadi
, stât2
-
ognidun dai moments di une competizion sportive:
dopo de fase eliminatorie sedis scuadris a passin tai otâfs di finâl
-
s.f.
[TS]
astron.
ognidun dai aspiets che al presente un astri a cause de sô posizion rispiet al Soreli e ae Tiere par ordin che al zire:
Galileo al à scuviert lis fasis di Venere
-
s.f.
[TS]
sient.
intai fenomens naturâi, biologjics o psicologjics, la dade di timp che e presente caratars omogjenis:
il frutut a pene nassût si insumie vot oris in dì, daspò planc a planc la fase REM si scurte fin a un ore e mieze in dì, tor i disevot agns (Franc Fari, Il cjâf dai furlans)
Sin. stadi
-
tecn.
ognidun dai moments carateristics dal funzionament di un motôr, massime a sclop
-
s.f.
[TS]
fis.
misure angolâr par solit in radiants dal argoment di une funzion sinusoidâl che e rapresente un fenomen periodic
-
eletr.
ognidun dai elements di un sisteme o di un circuit polifase
-
s.f.
[TS]
chim., fis.
part di un sisteme eterogjeni che e je pal aspiet fisic omogjenie e separabile:
la fase licuide e la fase gasose
-
s.f.
[TS]
cristal.
tes sostancis polimorfis, presince di plui struturis cristalinis che, a paritât di composizion chimiche, a àn proprietâts diferentis daûr de temperadure di cristalizazion